Friday, August 7, 2020  | 16 Zilhaj, 1441
ہوم   > پاکستان

ہائی پروفائل کیسز پرکام کرنیوالے پولیس انسپکٹر پرفائرنگ

SAMAA | - Posted: Oct 9, 2019 | Last Updated: 10 months ago
Posted: Oct 9, 2019 | Last Updated: 10 months ago

کراچی کے علاقے خدا داد کالونی میں نامعلوم ملزمان نے پولیس انسپکٹر غوث عالم کو فائرنگ کرکے زخمی کردیا۔

پولیس کے مطابق خدا داد کالونی کے علاقے اللہ والی چورنگی کے قریب گھات لگائے ملزمان نے پولیس انسپکٹر غوث عالم پر فائرنگ کردی۔ غوث عالم اپنی گاڑی میں دفتر کی جانب جا رہے تھے کہ ان پر حملہ کیا گیا۔

 

پولیس کا کہنا ہے کہ غوث عالم ہائی پروفائل کیسسز پر کام کر رہے تھے، سب انسپکٹر غوث عالم ساؤتھ انویسٹی گیشن بریگیڈ تھانے میں تعینات ہیں، فائرنگ سے زخمی سب انسپکٹر غوث عالم کو طبی امداد کیلئے پہلے جناح اسپتال اور بعد ازاں آغا خان اسپتال منتقل کیا گیا۔

 

ڈاکٹرز کے مطابق ان کی حالت تشویش ناک ہے۔ ملزمان کی فائرنگ سے راہ گیر بھی شدید زخمی ہوا۔  عینی شاہدین کے مطابق ملزمان فائرنگ کے بعد طارق روڈ کی جانب فرار ہوگئے۔ واضح رہے کہ غوث عالم سی آئی اے کے ساتھ بھی منسلک رہے ہیں اور اس دوران اہم اور ہائی پروفائل کیسز پر کام کیا ہے۔

 

غوث عالم نے لیاری گینگ وار اور رحمان ڈکیت کی کوئٹہ سے گرفتاری میں بھی اہم کردار ادا کیا۔ وہ شہید چوہدری اسلم کے ساتھ بھی محکمانہ فرائض انجام دے چکے ہیں۔

WhatsApp FaceBook

آپ کے تبصرے

Your email address will not be published.

متعلقہ خبریں
WhatsApp FaceBook
firing on policeman, police man injured, rangers, mqm, Lyari gang war
 
 
 
مقبول خبریں
مقبول خبریں
 
 
 
 
 
Facebook Twitter Youtube