Tuesday, January 25, 2022  | 21 Jamadilakhir, 1443

سجاول، فرار کی کوشش میں ملزم پولیس فائرنگ سے ہلاک

SAMAA | and - Posted: Sep 28, 2019 | Last Updated: 2 years ago
SAMAA | and
Posted: Sep 28, 2019 | Last Updated: 2 years ago

سندھ کے علاقہ سجاول میں پولیس نے عدالت کے احاطے سے فرار ہونے والے ملزم کو سر میں گولی مار کر ہلاک کردیا۔

پولیس کے مطابق سجاول کی عدالت میں چوری کے مقدمے میں نامزد ملزم عبداللہ کو سماعت کیلئے لایا گیا تو وہ ہتھکڑی سمیت عدالت سے فرار ہوگیا۔ پولیس نے پیچھا کرکے سجاول بائی پاس کے مقام پر ملزم کو گولی مار دی۔

مقتول کے بھائی علی محمد نے کہا ہے کہ اس کی ضمانت کے کاغذات تیار کرالیے تھے۔ پولیس والوں نے مخالفین سے پیسے لے کر بھائی کو قتل کیا ہے۔

ملزم کے وکیل عبدالقادر خاصخیلی کا کہنا ہے کہ پولیس نے خود ملزم کو فرار کروایا اور پھر اسے گولی مار کر ہلاک کردیا کیوں کہ بھاگنے والے ملزم کو ٹانگ میں گولی مار کر پکڑنا چاہیے تھا مگر پولیس نے سر میں گولی مار دی۔

ملزم عبداللہ پر چوہڑ جمالی پولیس اسٹیشن میں چوری کے تین اور ایک غیر قانونی اسلحہ رکھنے کا مقدمہ درج تھا۔

WhatsApp FaceBook
تازہ ترین
 
 
 
مقبول خبریں
مقبول خبریں
 
 
 
 
 
Facebook Twitter Youtube