Friday, August 14, 2020  | 23 Zilhaj, 1441
ہوم   > پاکستان

بھارت کی گیڈر بھبکیوں پر پاک افواج کا جواب

SAMAA | - Posted: Sep 24, 2019 | Last Updated: 11 months ago
SAMAA |
Posted: Sep 24, 2019 | Last Updated: 11 months ago

ترجمان پاک افواج کا کہنا ہے کہ بھارت کی پھر راولاکوٹ سے آگے جانے کی بات پر جھوٹے فلیگ آپریشن کی سازش بے نقاب ہوگئی ہے، بھارتی آرمی چیف کا بیان ان کی ناکامی ظاہر کرتا ہے۔

سماجی رابطے کی سائٹ ٹوئٹر پر پاک فوج کے شعبہ تعلقات عامہ ( آئی ایس پی ٓار) کے ڈائریکٹر جنرل آصف غفور نے بھارتی آرمی چیف کے بیان پر ردعمل کا اظہار کرتے ہوئے کہا ہے کہ بھارتی فوج مقبوضہ کشمیر میں حالات قابو میں رکھنے میں ناکام ہو چکی ہے۔

بھارتی آرمی چیف کا بے بنیاد بیان خطے کی سلامتی کیلئے خطرہ ہے

انہوں نے کہا کہ آزاد کشمیر سے متعلق بیان بوکھلاہٹ کا نتیجہ ہے، بھارت کے کسی بھی مس ایڈونچر سے خطہ کے امن کو شدید نقصان ہوگا۔

 

ترجمان کا مزید کہنا تھا کہ بھارتی کمانڈرز مقبوضہ کشمیر میں ریاستی دہشت گردی سے دنیا کی توجہ ہٹانے کیلئے غیر ذمے دارانہ باتیں کررہے ہیں۔

 

ڈی جی آئی ایس پی آر نے خدشے کا اظہار کرتے ہوئے کہا کہ مبینہ دہشت گردوں کی موجودگی بھارتی فالز فلیگ آپریشن کا پلان ہے، پاکستان کی مسلح افواج ہر قسم کی جارحیت کا جواب دینے کے لیے تیار ہیں۔

 

واضح رہے کہ بھارتی آرمی چیف بپن راوت نے گزشتہ روز پاکستان پر حملے کی دھمکی دیتے ہوئے کہا تھا کہ بالاکوٹ حملے کے بعد وہاں موجود لوگ دوبارہ متحرک ہوگئے، اس بار وہ بالاکوٹ سے کہیں آگے جائیں گے، ہمارے پاس تمام آپشنز ہیں۔

بپن راوت نے یہ دعویٰ بھی کیا تھا کہ 500 سے زائد دہشت گرد سرحد پار کرنے کے انتظار میں ہیں، اب وقت آگیا ہے کہ پاکستان کے زیر کنٹرول کشمیر پر توجہ مرکوز کی جائے۔ انہوں نے دعویٰ کیا کہ مقبوضہ کشمیر میں عوام کے درمیان مواصلات رابطوں پر کوئی پابندی نہیں ہے۔

WhatsApp FaceBook

آپ کے تبصرے

Your email address will not be published.

متعلقہ خبریں
WhatsApp FaceBook
 
 
 
مقبول خبریں
مقبول خبریں
 
 
 
 
 
Facebook Twitter Youtube