ہوم   >  پاکستان

جسٹس قاضی فائز کیس، فل کورٹ 24 ستمبر کو سماعت کریگا

4 weeks ago

جسٹس فائز عیسیٰ کی صدارتی ریفرنس کیخلاف درخواست پر فل کورٹ بينچ تشکیل دے دیا گیا ہے۔ فل کورٹ پہلی سماعت 24 ستمبر کو کرے گا۔

جسٹس عمر عطا بندیال کی سربراہی میں بینچ چوبيس ستمبر کو سماعت کرے گا۔ 10 رکنی بينچ میں جسٹس منصور علی شاہ کی شرکت دستیابی سے مشروط ہے۔ جسٹس منصور علی شاہ کے سرکاری دورے پر بیرون ملک جانے کا امکان ہے۔ جسٹس منصور علی شاہ کے دستیاب نہ ہونے پر 9 رکنی بینچ سماعت کرے گا۔

 

سپریم جوڈیشل کونسل کے ممبرز چیف جسٹس آصف سعید کھوسہ، جسٹس گلزار، جسٹس مشیر عالم، جسٹس سردار طارق اور جسٹس اعجاز الاحسن بینچ کا حصہ نہیں ہیں۔ فل کورٹ جسٹس قاضی فائز عیسیٰ کی آئینی درخواست کی سماعت 24 ستمبر کو دن ایک بجے کرے گی۔

 

واضح رہےکہ جسٹس قاضی فائز عیسیٰ کے وکیل منیر اے ملک کی جانب سے لارجر بینچ پر اعتراض کے بعد 7 رکنی بینچ تحلیل کردیا گیا تھا اور بینچ کی ازسرنو تشکیل کیلئے معاملہ چیف جسٹس کو بھجوایا تھا۔

 

وفاقی حکومت نے سپریم کورٹ کے جسٹس قاضی فائز عیسیٰ اور ہائی کورٹ کے 2 ججز کے خلاف سپریم جوڈیشل کونسل میں ریفرنس دائر کر رکھے ہیں۔

 

آپ کے تبصرے

Your email address will not be published.

 
متعلقہ خبریں