ہوم   >  پاکستان

بھارت کشمیر میں آرایس ايس کے’غنڈے‘ بھیجنا چاہتا ہے، شاہ محمود

4 weeks ago

وزير خارجہ شاہ محمود قريشی کا کہنا ہے اطلاعات ہيں کہ مودی حکومت کشمیر ميں بھيجنے کےليے آر ايس ايس کے ’غنڈے‘ تيار کر رہی ہے۔

گزشتہ روز ملتان ميں ميڈيا سے گفتگو کرتے ہوئے وزیر خارجہ نے تشويش کا اظہار کرتے ہوئے کہا ہے مودی حکومت کشمير ميں سب اچھا ہے کا کہہ کر دنيا کو گمراہ کر رہی ہے۔ شاہ محمود نے کہا کہ سب اچھا ہے تو بھارتی سياستدانوں کو سری نگر کيوں نہيں جانے ديا؟

وزیرخارجہ نے کہا کہ بھارت کشمير ميں آر ايس ايس کےغنڈے بھيجنا چاہتا ہے جنہیں مظالم ڈھانے کےليے استعمال کيا جائے گا۔

سری نگر، کشمیری پرچم اتار کر بھارتی جھنڈا لہرا دیا گیا

شاہ محمود کا کہنا تھا کہ 21 دن سے کرفيو مسلط ہے اور بچے بھوک سے بلک رہے ہيں۔ اقوام متحدہ ہيومن رائٹس کمشنر صورتحال کا نوٹس ليں۔ انہوں نے کہا اميد ہے معاملے پر اسلامی دنيا کردار ادا کرے گی۔

مقبوضہ کشمير ميں مسلسل کرفيو اور لاک ڈاؤن سے غذا اور ادويات کی شديد قلت ہے جبکہ وادی دنیا کی سب سے بڑی جيل ميں بدل چکی ہے۔

بھارتی فورسز کی فائرنگ سے اب تک متعدد کشمیری زخمی ہوچکے ہیں جبکہ 22 دن کے دوران 10 ہزار سے زائد افراد کو گرفتار کيا جا چکا ہے۔

 

آپ کے تبصرے

Your email address will not be published.

 
متعلقہ خبریں