ہوم   > بین الاقوامی

کرسچین ٹرنر پاکستان میں نئے ہائی کمشنر مقرر

4 weeks ago

برطانیہ نے ڈاکٹر کرسچن ٹرنر کو پاکستان میں اپنا نیا ہائی کمشنر مقرر کر دیا، وہ تھامس ڈریو کی جگہ دسمبر تک اپنی ذمہ داریاں سنبھالیں گے۔

برطانوی ہائی کمیشن کے اعلامیے کے مطابق ڈاکٹر کرسچن ٹرنر کو پاکستان میں نیا ہائی کمشنر مقرر کیا گیا ہے جو موجودہ ہائی کمشنر تھامس ڈریو کے سبکدوش ہونے کے بعد دسمبر تک ذمہ داریاں سنبھال لیں گے۔

کرسچن ٹرنر 2017ء سے برطانوی وزیراعظم کے عالمی امور کے مشیر کے فرائض انجام دے رہے ہیں جبکہ وہ 2016ء سے 2017ء تک وزیراعظم کے قومی سلامتی کے نائب مشیر بھی رہ چکے ہیں۔

انہوں نے دولتِ مشترکہ آفس میں مشرق وسطیٰ سے متعلق منصوبے پر کام کیا، علاوہ ازیں شمالی افریقا ڈائریکٹوریٹ میں ذمہ داریاں نبھائیں اور ماحولیاتی تبدیلی کے خصوصی نمائندے کے طور پر بھی کام کرتے رہے۔

 

آپ کے تبصرے

Your email address will not be published.

 
متعلقہ خبریں