ہوم   >  پاکستان

کوئٹہ کے 19 اساتذہ اور نان ٹیچنگ اسٹاف فرائض سے غفلت برتنے پر ملازمت سے فارغ

2 months ago

 

 

محکمہ تعلیم بلوچستان کی غیر ملازمین کے خلاف کارروائیوں کا سلسلہ جاری ہے، کوئٹہ کے 19 اساتذہ اور نان ٹیچنگ اسٹاف کو ملازمت سے فارغ کردیا گیا۔

سیکرٹری تعلیم بلوچستان طیب لہڑی کےمطابق ملازمت سے برخاست کردہ ملازمین میں گریڈ ایک سے گریڈ 17 تک کے اہلکار شامل ہیں جو عرصہ دراز سے اپنی جائے تعیناتی سے غیر حاضر اور خلاف ضابطہ امور میں ملوث تھے، برطرف ملازمین صوبائی دارالحکومت کوئٹہ کے مختلف اسکولوں میں تعینات تھے جو گھر بیٹھے تنخواہیں وصول کررہے تھے۔

سیکرٹری تعلیم کےمطابق تعلیم کے لیے مختص 50 ارب روپے کے بجٹ کی ایک ایک پائی کو مطلوبہ مقاصد کے لیے استعمال میں لایا جائے گا، محکمہ تعلیم میں اصلاحات اور محکمانہ کارروائی پر مشکلات کا سامنا ضرور ہے تاہم تمام تر مصلحتوں کے قطع نظر بلا امتیاز کارروائی جاری رہے گی۔

 

آپ کے تبصرے

Your email address will not be published.

 
متعلقہ خبریں