قبائلی انتخابات میں آزاد ارکان کی جیت پی ٹی آئی کی جیت ہے، فردوس عاشق

July 21, 2019

وزیراعظم کی معاون خصوصی برائے اطلاعات فردوس عاشق اعوان نے قبائلی اضلاع کے انتخابات میں آزاد ارکان کی جیت کو تحریکِ انصاف کی فتح قرار دے دیا۔

سیالکوٹ میں میڈیا سے گفتگو میں فردوس عاشق اعوان نے کہا کہ آزاد ارکان کی جیت تحریکِ انصاف کی جیت ہر کیونکہ ایک پی ٹی آئی بلے کے نشان اور دوسری پی ٹی آئی کے چہرے پر الیکشن لڑی۔

معاون خصوصی اطلاعات نے کہا کہ کامیاب آزاد امیداور پی ٹی آئی کے ہی کھلاڑی ہیں اور اکثریت جیت کے بعد گھر واپس آئے گی۔

فردوس عاشق اعوان کا کہنا تھا کہ انتخابات میں پیپلزپارٹی اور ن لیگ کو ہی شکست نہیں ہوئی بلکہ پاکستان اور فوج مخالف بیانیہ رکھنے والوں کو بھی شکست ہوئی۔

معاون خصوصی اطلاعات نے پارٹی میں ٹکٹ پر اختلافات کا اعتراف بھی کیا۔