الیکشن کمیشن کی قبائلی اضلاع میں پرامن انتخابات پر عوام کو مبارکباد

July 20, 2019

ONLINE PHOTO

چیف الیکشن کمشنر سردار محمد رضا خان نے پُرامن انتخابات پر قبائلی عوام کو مبارکباد دی۔

چیف الیکشن کمشنر جسٹس ریٹائرڈ سردار محمد رضا خان کہتے ہیں کہ قبائلی عوام نے ثابت کردیا کہ وہ جمہوری سوچ کی حامل پُرامن قوم ہیں۔ اُنہوں نے سیکیورٹی فورسز، انتخابی عملے اور میڈیا کا بھی شکریہ ادا کیا۔

مزید جانیے : قبائلی اضلاع میں انتخابات کے غیر حتمی نتائج

چیف الیکشن کمیشن پاکستان کو کنٹرول روم عملے نے خیبرپختونخوا میں ضم ہونیوالے قبائلی اضلاع میں پہلی بار پولنگ کے عمل پر بریفنگ دی، اُںہوں نے بتایا کہ پولنگ کے دوران مجموعی طور پر 5 شکایات موصول ہوئی ہیں۔

خیبرپختونخوا میں ضم ہونیوالے 7 قبائلی ایجنسیوں کے صوبائی اسمبلی کے 16 حلقوں میں آج پہلی بار الیکشن کا انعقاد کیا گیا، جس میں لاکھوں ووٹرز نے اپنا حق رائے دہی استعمال کیا۔