ہوم   >  پاکستان

کلبھوشن کیس کا فیصلہ پاکستان کی اخلاقی فتح ہے، شاہ محمود قریشی

5 months ago

وزير خارجہ شاہ محمود قريشي نے عالمي عدالت کے فيصلے پر قوم کو مبارک باد ديتے ہوئے اسے پاکستان کي اخلاقي فتح قرار دے ديا۔

اسلام آباد ميں ميڈيا سے گفتگو کرتے ہوئے وزير خارجہ شاہ محمود قريشي کا کہنا تھا کہ بھارت عالمي عدالت ميں يہ موقف لے کر گيا تھا کہ کلبھوشن ياديو جاسوس اور دہشت گرد نہيں بلکہ بے گناہ ہے مگر عالمي عدالت نے بھارت کا موقف مسترد کر ديا۔

ان کا کہنا تھا کہ پاکستان نے عالمی عدالت انصاف میں اپنا مقدمہ موثر انداز میں پیش کیا، عدالت انصاف نے اپنے فیصلے میں کہا پاکستان اپنی مرضی سے یادیو کی سزا پر نظرثانی کرسکتا ہے۔

شاہ محمود قریشی نے کہا کہ فیصلے سے ایک اہم چیز یہ سامنے آئی ہے کہ عالمی عدالت انصاف نے پاکستان کی فوجی عدالت کے فیصلے کو منسوخ نہیں کیا جس کی درخواست بھارت نے کی تھی اس سے ظاہر ہوتا ہے کہ ساری عالمی برادری نے پاکستان کے نظام پر اعتماد کا اظہار کیا ہے۔

یاد رہے کہ آج پاکستان میں قید بھارتی خفیہ ایجنسی ”را ”کے جاسوس کلبھوشن یادیو کی سزائے موت کے خلاف عالمی عدالت انصاف نے کیس کا فیصلہ سناتے ہوئے کلبھوشن کی بریت کی بھارتی درخواست مسترد کردی جبکہ پاکستان کو سزائے موت پر نظرثانی کرنے کی ہدایت کردی ۔

 

آپ کے تبصرے

Your email address will not be published.

 
متعلقہ خبریں