ہوم   >  پاکستان

پشاور ہائیکورٹ نے کرپشن ثابت ہونے پر 2 ججوں کو برطرف کردیا

5 months ago

پشاور ہائیکورٹ نے کرپشن اور اختیارات کا ناجائز استعمال ثابت ہونے پر ماتحت عدالتوں کے 2 ججوں کو برطرف کردیا۔

پشاور ہائی کورٹ کی جانب سے جاری اعلامیہ کے مطابق سول جج طیب علی اور ایڈیشنل سیشن جج ناصر کمال کے خلاف کرپشن اور اختیارات کے ناجائز استعمال کی شکایات موصول ہوئیں تھی۔

ہائیکورٹ نے ان شکایات کا نوٹس لیتے ہوئے تحقیقات کے لیے انکوائری کمیٹی تشکیل دے دی۔ انکوائری کمیٹی کی تحقیقات کے دوران دونوں ججوں کے خلاف الزامات ثابت ہوگئے جس پر کمیٹی نے رپورٹ مرتب کرکے پشاور ہائیکورٹ میں جمع کرائیں اور دونوں ججوں کی برطرفی کی سفارش کردی۔

پشاور ہائی کورٹ نے رپورٹ کی روشنی میں کارروائی کرتے ہوئے سول جج طیب علی اور ایڈیشنل سیشن جج ناصر کمال کو نوکری سے برطرف کرنے کے احکامات جاری کر دئیے۔

 

آپ کے تبصرے

Your email address will not be published.

 
متعلقہ خبریں