Friday, January 22, 2021  | 7 Jamadilakhir, 1442
ہوم   > Latest

غلام نبی میمن کو کراچی کا نیا پولیس چیف مقرر کردیا گیا

SAMAA | - Posted: Jul 15, 2019 | Last Updated: 2 years ago
Posted: Jul 15, 2019 | Last Updated: 2 years ago

پولیس آرڈر کی منظوری کے بعد ایڈیشنل آئی جی کراچی امیرشیخ کا تبادلہ کر دیا گیا، جب کہ ان کی جگہ غلام نبی میمن کو کراچی پولیس کا نیا چیف مقرر کر دیا گیا ہے۔

سندھ پولیس میں اعلیٰ سطح پر تبادلے اور تقرریوں کی گئی ہیں جس کے تحت کراچی پولیس کے چیف امیر شیخ کو عہدے سے ہٹا دیا گیا ہے، ان کی جگہ غلام نبی میمن کو کراچی پولیس کا نیا سربراہ مقرر کیا گیا ہے۔

سندھ حکومت کی جانب سے جاری نوٹی فکیشن کے مطابق قمرالزمان کو ڈی آئی جی لائسنس برانچ، جب کہ فرحت جونیجو کو ایڈیشنل آئی جی اسپیشل برانچ لگایا گیا ہے۔

عمران يعقوب کو اے آئي جي اسپيشل برانچ، فرحت علي جونيجو کو ڈي آئي جي اسپيشل برانچ تعينات کیا گیا ہے۔ نئے حکم نامے کے مطابق سرور جمالي کو ايس اين جي ڈي بھيج ديا گيا، جب کہ ولی اللہ دل ایڈیشنل آئی جی حیدرآباد تعینات کردیئے گئے ہیں۔

واضح رہے کہ امیر شیخ نے کراچی پولیس کے سربراہ کی حیثیت سے تقریباً 11 ماہ ذمہ داریاں انجام دیں۔ انہیں گزشتہ سال ایڈیشنل آئی جی کراچی مشتاق مہر کی جگہ تعینات کیا گیا تھا۔

WhatsApp FaceBook

آپ کے تبصرے :

Your email address will not be published.

متعلقہ خبریں
WhatsApp FaceBook
 
 
 
مقبول خبریں
مقبول خبریں
 
 
 
 
 
Facebook Twitter Youtube