ہوم   >  پاکستان

شہبازشریف کی مبینہ کرپشن پر برطانوی اخبار کی خبر جھوٹی اور من گھڑت ہے،مریم اورنگزیب

3 months ago

مسلم ليگ نون کي ترجمان مريم اورنگزيب نے شہباز شريف کي مبينہ کرپشن سے متعلق برطانوي اخبار ڈيلي ميل کي خبر کو پلانٹڈ قرار ديديا۔ انھوں نے کہا کہ ہم ڈيلی ميل کے خلاف ہرجانے کا دعویٰ کريں گے۔ اسلام آباد ميں پريس کانفرنس کرتے ہوئے لیگی رہنما مريم اورنگزيب نے کہا کہ برطانوی صحافي...




مسلم ليگ نون کي ترجمان مريم اورنگزيب نے شہباز شريف کي مبينہ کرپشن سے متعلق برطانوي اخبار ڈيلي ميل کي خبر کو پلانٹڈ قرار ديديا۔ انھوں نے کہا کہ ہم ڈيلی ميل کے خلاف ہرجانے کا دعویٰ کريں گے۔


اسلام آباد ميں پريس کانفرنس کرتے ہوئے لیگی رہنما مريم اورنگزيب نے کہا کہ برطانوی صحافي ڈيوڈ روز نے عمران خان سے ملاقات کي،ملاقات ميں معاون خصوصي شہزاد اکبر بھي موجود تھے، ڈيلي ميل کي رپورٹ ميں ڈيوڈ روز نے کوئي ثبوت نہيں ديا ۔


انھوں نے کہا کہ برطانيہ کے کئي اخبار ڈيلي ميل کي اسٹوريز کو نہيں مانتے، ڈيلي ميل کی اسٹوريز بے بنياد اور من گھڑت ہوتي ہيں، کرائے کے ترجمان صبح سے سرکاری خرچ پر جھوٹ بول رہے ہیں،خبر پلانٹ کرائی گئی ہے، ثبوت دوں گی۔


انھوں نے کہا کہ جب 2005 میں زلزلہ آيا تو اس وقت شہباز شريف ملک بدر تھے،اسٹوري ميں جو وقت بتايا گيا ہے اس وقت شہباز شريف کي حکومت نہيں تھي،ايرا وفاقي حکومت کے ماتحت تھا، اس کو فنڈ ديے گئے،اس وقت وفاقي حکومت پيپلز پارٹي کي تھي۔


لیگی رہنما کا کہنا تھا کہ پلانٹڈ اسٹوريز کے ذريعے ايک سازش کو فروغ دے رہے ہيں، شريف خاندان کی دشمني ميں آپ ملک کو متنازع بنارہے ہيں، يو کے ايڈ اس خبر کي ترديد کرچکی ہے،اس فنڈنگ ميں ايک روپے کی کرپشن بھی نہيں ہوئی، الزامات لگائے جاتے ہيں اور ثبوت کوئی نہيں ہے۔


مریم اورنگزیب نے کہا کہ پشاور کے ميٹرو منصوبے ميں بھی کرپشن ہوئی، اے ڈي بی نے کرپشن کي نشاندہي کی، شہزاد اکبر اس پر بھی نيب کا نوٹس کرائيں۔


انھوں نے مزید کہا کہ ڈيفيڈ نے شفافيت کي وجہ سے پاکستان کيلئے فنڈ بڑھائے،اب يہ باہر نہيں نکل سکتے، بيٹھ کر صرف ٹوئٹ کرتے ہيں، ريکارڈ نکاليں اور عوام کو بتائيں کتني کرپشن ہوئی۔


برطانوی اخبار ڈیلی میل نے اپنے  مضمون میں تحقیقات کاروں کے حوالے سے دعوٰی کیا ہے کہ شہباز شریف کا خاندان برطانیہ میں منی لانڈرنگ میں ملوث رہا ہے، شہباز شریف کے دور اقتدار میں برطانوی حکومت نے پنجاب کے لئے 500 ملین پاؤنڈ امداد فراہم کی۔


رپورٹ میں انکشاف کیا گیا ہے کہ تحقیقاتی اداروں کے مطابق شریف خاندان نے یہ رقم منی لانڈرنگ میں استعال کر دی اور برطانوی ڈیپارٹمنٹ  فارانٹرنیشنل ڈویلپمنٹ کی جانب سے بھی مبینہ منی لانڈرنگ پر اظہار تشویش کیا ہے۔


رپورٹ میں یہ بھی بتایا گیا ہے کہ برطانوی ادارے نے بتایا کہ فنڈز فراہم کرتے وقت جانتے تھے کہ پاکستان میں کرپشن بہت زیادہ ہے، اس کے باوجود پاکستان کو دوسرے ممالک کی نسبت زیادہ فنڈز فراہم کئے گئے اور پاکستان کو سالانہ 463 ملین پاؤنڈ کی رقم بطور فنڈ دی گئی۔

 

آپ کے تبصرے

Your email address will not be published.

 
متعلقہ خبریں