Sunday, July 12, 2020  | 20 ZUL-QAADAH, 1441
ہوم   > Latest

ریکوڈک کیس میں پاکستان پر جرمانہ،وزیراعظم کا تحقیقات کے لیے کمیشن بنانے کا حکم

SAMAA | - Posted: Jul 14, 2019 | Last Updated: 12 months ago
Posted: Jul 14, 2019 | Last Updated: 12 months ago

ريکوڈک کيس ميں عالمي بينک ٹريبونل نے  پاکستان پر 5 ارب 97 کروڑ ڈالرز کا جرمانہ عائد کيا تو وزیراعظم عمران خان نے معاملے کی تحقیقات کا حکم دے دیا ۔

اٹارنی جنرل آفس سے جاری بیان میں بتایا گیا ہے کہ ريکوڈک کيس پر وزیراعظم نے اس معاملے کی تحقیقات کا حکم دے دیا ہے۔ اعليٰ سطح کا کمیشن کیس کی تحقیقات کرے گا۔

اٹارنی جنرل آفس کی جانب سے مزید بتایا گیا ہے کہ کمیشن تعین کرے گا کہ پاکستان اس صورتحال تک کیسے پہنچا جبکہ کمیشن ریکوڈک معاملے میں ذمہ داران کا تعین بھی کرے گا۔

واضح رہے کہ عالمی بینک کے سرمایہ کاری سے متعلق ثالثی ٹریبونل کا جاری کردہ فیصلہ پاکستان کو موصول ہوگیا ہے، پاکستان ہرجانے کے فیصلے کو چیلنج کرے گا۔

عالمی بینک کے انٹرنیشنل سینٹر فار سیٹلمنٹ آف انویسٹمنٹ ڈسپیوٹس ( آئی سی ایس آئی ڈی) نے ٹیتھیان کاپر کمپنی کے دعوے پر ریکوڈک کیس میں حکومت پاکستان کوتقریباً 5.8 ارب ڈالر ہرجانے کا فیصلہ سنایا۔

آئی سی ایس آئی ڈی کے عائد کردہ ہرجانے کی رقم پاکستان کو چلی اور کینیڈا کی مائننگ کمپنی ٹیتھیان کو ادا کرنا ہوگی۔

پاکستان کی حکومت کو معاہدے کی پاسداری نہ کرنے پر 4ارب ڈالر ہر جانہ جبکہ سود اور دیگر اخراجات کی مد میں پونے 2ارب ڈالر ادا کرنے ہوں گے جو کہ مجموعی طور پر 5.8 ارب ڈالر بنتے ہیں۔

 

WhatsApp FaceBook

آپ کے تبصرے

Your email address will not be published.

متعلقہ خبریں
WhatsApp FaceBook
 
 
 
مقبول خبریں
مقبول خبریں
 
 
 
 
 
Facebook Twitter Youtube