Sunday, September 20, 2020  | 1 Safar, 1442
ہوم   > Latest

ڈیرہ اسماعیل خان، دو گروپوں میں فائرنگ،7 افراد قتل

SAMAA | and - Posted: Jul 7, 2019 | Last Updated: 1 year ago
Posted: Jul 7, 2019 | Last Updated: 1 year ago

ڈیرہ اسماعیل خان کے علاقے گاوں منگل میں پانی کے تنازعے پر گولیاں چل پڑیں، دو طرفہ فائرنگ سے سات افراد جاں بحق، جب کہ تین زخمی ہوگئے۔

پولیس کے مطابق ڈیرہ اسماعیل خان کے علاقے کڑی شموزٸی کے گاٶں منگل میں دو گروپوں میں 40 سال سے پانی کے مسئلے پر تنازعہ چلا آرہا تھا۔ اتوار کے روز فریقین میں زرعی پانی پر تنازعہ شدت اختیار کرگیا۔

دونوں جانب سے تنازعہ پر معمولی تکرار فائرنگ تک جا پہنچی، جس سے سات افراد جاں بحق، جب کہ تین زخمی ہوگئے۔ مرنے والوں میں حاجی پیرزادہ گروپ اور حکیم شاہ گروپ کے افراد شامل ہیں۔

لوگوں نے اپنی مدد آپ کے تحت لاشوں کو ضروری کارروائی، جب کہ زخمیوں کو طبی امداد کیلئے ڈسٹرکٹ اسپتال منتقل کردیا گیا۔ پولیس کے مطابق مرنے والوں کی شناخت زاہد، جمال، طاہر، حبیب اللہ، عصمت اللہ، احمد شاہ اور عبدالطیف کے ناموں سے کی گئی ہے، جب کہ زخمیوں کے نام شاہد، حاجی سلیم اور قیوم بتائے گئے ہیں۔

مرنے والوں میں دو بھائی بھی شامل ہیں۔ پولیس نے جائے وقوعہ سے گولیوں کے خول برآمد کرلیے۔ اہل علاقہ کے مطابق پولیس دیر سے آنے کے باعث ملزمان فرار ہونے میں کامیاب ہوگئے، جس کی وجہ سے کوئی گرفتاری عمل میں نہ آسکی۔

WhatsApp FaceBook

آپ کے تبصرے

Your email address will not be published.

متعلقہ خبریں
WhatsApp FaceBook
 
 
 
مقبول خبریں
مقبول خبریں
 
 
 
 
 
Facebook Twitter Youtube