ہوم   >  پاکستان

سپریم کورٹ نے بل بورڈز ہٹانے سے متعلق عملدرآمد رپورٹ طلب کرلی

5 months ago

ملک بھرسے بل بورڈزہٹانے سے متعلق عملدرآمد کیس میں سپريم کورٹ نے ميونسپل کارپوريشن اسلام آباد، خيبرپختونخوا اور کنٹونمنٹ بورڈز سے عملدرآمد رپورٹ طلب کرلی۔

بل بورڈزاتارنے سے متعلق عملدرآمدکیس کی سماعت کے دوران وکیل کنٹونمنٹ بورڈ نے سپریم کورٹ کو بتایا کہ ملک کےتمام کنٹونمنٹ بورڈز میں لگےبل بورڈزکے این اوسی ختم اور ایڈورٹائزمنٹ کمپنیوں کو نوٹسز جاری کردیے ہیں۔

وکیل ڈی ایچ اے نے عدالت کو بتايا کہ ڈی ایچ اے نے عدالتی حکم پرعملدرآمد کرتے ہوئے تمام بل بورڈز ہٹا دیے ہیں۔

اس دوران خيبرپختونخوا کي جانب سے بھي بل بورڈز ہٹانے سے متعلق رپورٹ جمع کرا دی گئی۔

جسٹس گلزارنے ريمارکس ديے کہ بل بورڈز ہٹانے کا کام کچا پکا لگتا ہے۔ بل بورڈز ہٹانے ہیں تو مکمل ہٹائیں،جو بل بورڈز کمپنیاں نہیں ہٹاتی انکو کنٹونمنٹ بورڈز ٹائیں اور نیلام کردیں۔

جسٹس عظمت سعيد نت ریمارکس دیے کہ کنٹونمنٹ کہہ رہا ہے بل بورڈز ہٹانے کے لیے پیسے نہیں۔ کل کو کوئی پولیس والابھي کہے گا پیسے نہیں ملزم کیسے پکڑوں۔

عدالت نے ایم سی آئی، کے پی کے اور کنٹونمنٹ بورڈز سے عملدرآمد رپورٹ طلب کر تے ہوئے کیس کی آئندہ سماعت گرمیوں کی چھٹیوں کے بعد تک ملتوی کردی ۔

 

آپ کے تبصرے

Your email address will not be published.

 
متعلقہ خبریں