Tuesday, November 24, 2020  | 7 Rabiulakhir, 1442
ہوم   > Latest

خاکروب کیلئے کرسچن ہونے کی شرط، پاک فوج نے اشتہار میں تبدیلی کردی

SAMAA | - Posted: Jun 28, 2019 | Last Updated: 1 year ago
Posted: Jun 28, 2019 | Last Updated: 1 year ago

پاکستان آرمی نے سوشل میڈیا پر تنقید کے بعد مجاہد فورس میں بھرتیوں سے متعلق اشتہار میں تبدیلی کردی ہے۔ اس اشتہار میں خاکروب کی پوسٹ کیلئے کرسچن ہونے کی شرط لگائی گئی تھی۔

گزشتہ دنوں پاکستان آرمی نے مجاہد فورس میں بھرتیوں کے لیے اخباروں میں ایک اشتہار شائع کروایا تھا جس میں ڈرائیورز، سپاہی، باورچی، ٹیلر، کارپنٹر، موچی اور خاکروب کی پوسٹوں کے لیے درخواستیں طلب کی گئی تھیں۔

اشتہار میں دیگر تمام پوسٹوں کے لیے مطوبہ تعلیم اور مہارت کو ضروری قرار دیا تھا جبکہ خاکروب کیلئے کرسچن ہونا لازمی قرار دیا گیا تھا۔

 

یہ اشتہار سوشل میڈیا پر موضوع بحث بنا اور سماجی کارکنان نے اس کو تنقید کا نشانہ بنایا جس پر آرمی کی جانب سے اشتہار میں تبدیلی کی گئی ہے۔ پنجاب اسٹریٹیجک ریفارمز یونٹ کے سابق سربراہ سلمان صوفی نے تبدیل شدہ اشتہار کو ٹوئٹر پر شیئر کیا ہے۔

 

سماء ڈیجیٹل سے بات کرتے ہوئے سلمان صوفی نے کہا کہ ’غلطی‘ ٹھیک کرنے پر ہم شکر گزار ہیں۔ عام طور پر کرسچن کمیونٹی کو سینیٹری ورکرز سمجھا جاتا ہے اور ہم اس چاہتے تھے یہ تصور ختم ہوجائے۔

انسانی حقوق پر کام کرنے والی ایڈووکیٹ میری جیمز گل نے بھی پیر کو ایک ٹوئیٹ میں پاک فوج کے ترجمان سے اس امتیازی سلوک کا نوٹس لینے کا مطالبہ کیا۔

 

دیگر سماجی کارکنان نے بھی اس معاملے پر آواز اٹھائی اور اسے ایک مذہبی طبقے کے خلاف امتیازی سلوک قرار دیا۔

WhatsApp FaceBook

آپ کے تبصرے :

Your email address will not be published.

متعلقہ خبریں
WhatsApp FaceBook
 
 
 
مقبول خبریں
مقبول خبریں
 
 
 
 
 
Facebook Twitter Youtube