ہوم   >  پاکستان

خیبرپختونخوا کے بجٹ میں انوکھے ٹیکس عائد کیے جانے کی تجاویز

2 months ago

خيبر پختونخوا کے آئندہ مالی سال کے لیے پیش کیے جانے والے نو سو ارب روپے کے سرپلس بجٹ میں تمام شہريوں کو صحت کارڈ دينے سميت صوبے میں 47 ہزار نئي آساميوں کی خوشخبری کے علاوہ مزيد ٹيکسز کیلئے ردوبدل کرنے کي تجاویز بھی شامل ہیں۔

خيبرپختونخوا حکومت نے سالانہ بجٹ ميں مزيد ٹيکس عائد کرنے کے لیے تجاویز میں درزی حضرات کو بھی دائرہ کار میں لانے کا فیصلہ کیا ہے۔

درزيوں پر ٹيکسز لاگو کرنے کيلئے شلوار قمیض اور ویسٹ کوٹ سینے پر سالانہ ٹیکس 10 ہزار جبکہ پینٹ شرٹ سینے والے درزی پر 15 ہزار روپے سالانہ ٹیکس تجویز کيا گيا ہے۔

پشاورکے اسپیشلسٹ ڈاکٹرز پرسالانہ 80 ہزار روپے جبکہ دیگراضلاع کے اسپیشلسٹ ڈاکٹرز پر 50 ہزار ٹیکس عائد کرنے کی تجویز کے علاوہ نئے بجٹ میں شادی ہال مالکان کیلئے سالانہ 60 ہزار جبکہ ریسٹورنٹ اورگیسٹ ہاؤس والوں کے لیے 40 ہزارسالانہ ٹیکس دینے کی تجویز دی گئی ہے۔

گریڈ ایک سے گریڈ چھ تک کے ملازمین پر ٹیکس عائد نہیں کیا جائے گا۔ گریڈ1 سے 12 تک کے ملازمین پرایک ہزار،گریڈ 13 سے گریڈ 17 تک ڈیڑھ ہزار روپے ، گریڈ 18 والوں کیلئے 1800 روپے، گریڈ 19 پر 2 ہزار اور اورگریڈ 20 کے افسران کیلئے 3 ہزار روپے ٹیکس کی تجویز دی گئی ہے ۔

حکومت نے فی کلو نسوار پر ٹیکس 50 پیسے بڑھانے کے علاوہ ماہانہ ہزار روپے فيس وصول کرنے والے نجی تعليمہ اداروں پر سالانہ 12 ہزار روپے ٹیکس اور ماہانہ 5ہزار روپے فیس وصول کرنے والوں پر سالانہ ایک لاکھ روپے ٹیکس کی تجویز دی ہے۔

اس کے علاوہ نجیمیڈیکل اور انجنیئرنگ کالجز ایک، ایک لاکھ روپے سالانہ ٹیکس دیں گے۔

خیبرپختونخواہ کے بجٹ میں وفاق سے 588 ارب روپے وصولي کا تخمينہ لگايا گيا ہے جبکہ قبائلي اضلاع کي ترقي کے لئے پاک فوج اور وفاق اضافی 151 ارب روپے بھي دیں گے۔اس کے علاوہ صوبے کی چار ہزار مساجد کی سولرائزيشن کی جائے گی جبکہ پہلی بار دينی مدارس کے طلبہ کو وظائف بھي دیے جانے کا فیصلہ کیا گیا ہے۔

 

آپ کے تبصرے

Your email address will not be published.

 
متعلقہ خبریں
 
 
 
 
 
 
 
 
مقبول خبریں