مہنگائی بے قابو، روٹی کی قیمت میں 5 روپے اضافے کا فیصلہ

June 18, 2019

تحریک انصاف کی حکومت کے تمام معاشی ماہرین اپنی ہر تقریر اور گفتگو میں بار بار ایک بات دہراتے رہے کہ ان کی معاشی پالیسیوں کا منفی اثر غریبوں پر نہیں پڑے گا مگر جب آٹا، چینی اور دال جیسی بنیادی اشیا کی قیمتوں میں اضافہ دیکھنے میں آتا ہے تو حکومتی دعوے کھوکھلے لگتے ہیں۔ حالیہ بجٹ میں ٹیکسوں کی بھرمار اور مہنگائی کے طوفان نے پشاور کے شہریوں کے لئے روٹی خریدنا بھی مشکل بنا دیا۔ آٹے کی 80 کلو والی بوری کی قیمت میں 700 روپے کا اضافہ ہوا جس پر نانبائیوں نے روٹی کی قیمت میں 5 روپے اضافے کا فیصلہ کیا اور خبردار کیا ہے کہ مستقبل قریب میں قیمت مزید بڑھ سکتی ہے۔ عوام نے روٹی کی قیمت میں اضافے کو مسترد کرتے ہوئے حکومت سے ریلیف دینے کا مطالبہ کیا ہے۔ دیکھئے سجاد حیدر کی رپورٹ