بلاول بھٹو نے ایک بار پھر اسپیکر قومی اسمبلی کے استعفے کا مطالبہ کردیا

June 12, 2019

چیئرمین پیپلزپارٹی بلاول بھٹو زرداری نے ایک بار پھر اسپیکر قومی اسمبلی کے استعفے کا مطالبہ کردیا، ٹوئیٹر پیغام میں کہا بزدل وزیراعظم میری ایک تقریر بھی برداشت نہیں کرسکتا، آصف زرداری کا پروڈکشن آرڈر جاری نہ کرنا نئی گراوٹ ہے۔

بلاول بھٹو زرداری پی ٹی آئی پر برہم ہوگئے ٹوئیٹر پر تنقیدی پیغامات کی بھرمار کردی، بلاول نے کہا بزدل وزیراعظم میری ایک تقریر بھی برداشت نہیں کرسکتے۔ پارلیمانی لیڈروں کو ایوان میں بولنے نہ دینا اور زرداری کے پروڈکشن آرڈر جاری نہ کرنا نئی گراوٹ ہے اسپیکرکو استعفا دینا چاہیے۔

اس سے قبل ٹوئیٹ میں کہا کہ جمہوری قیادت قید ہے لیکن کالعدم تنظیموں کے افراد، گڈ طالبان اور دہشت گردوں کے سہولت کار وزرا آزادانہ پھر رہے ہیں۔

بلاول زرداری نے یہ بھی کہا کہ عمران خان نے آدھی رات کو خوفزدہ ہوکر قوم سے خطاب کیا ، ڈر ہے آئی ایم ایف سے بجٹ منظور نہ ہوا تو حکومت گرجائے گی بجٹ معاشی خود کشی ہے۔۔۔ منظورنہیں ہونے دیں گے۔

بلاول کا کہنا تھا کہ عوام دشمن بجٹ پیش کیا گیا مگر وزیراعظم ایوان میں رقص کررہے تھے۔ تاریخ گواہ رہے گی کہ معیشت جل رہی تھی اور عمران خان رقص کررہے تھے۔