Tuesday, November 24, 2020  | 7 Rabiulakhir, 1442
ہوم   > Latest

دفاعی بجٹ میں اضافہ نہ کرنے سے مالی خسارہ کم ہوگا، مشیر خزانہ

SAMAA | - Posted: Jun 5, 2019 | Last Updated: 1 year ago
SAMAA |
Posted: Jun 5, 2019 | Last Updated: 1 year ago

وزیراعظم کے مشیر برائے خزانہ ڈاکٹر حفیظ شیخ نے دفاعی بجٹ میں اضافہ نہ کرنے پر پاک فوج کو خراج تحسین پیش کرتے ہوئے کہا ہے کہ قومی اہداف کے حصول میں سب نے اپنا کردارادا کرنا ہے۔

گزشتہ روز پاک فوج کے ترجمان میجر جنرل آصف غفور نے ٹوئٹ کے ذریعے اعلان کیا تھا کہ ملک کی معاشی حالت کو مدنظر رکھتے ہوئے اس مرتبہ دفاعی بجٹ میں اضافہ نہیں کیا جائے گا اور اس مد میں بچ جانے والی رقم خیبر پختونخوا کے قبائلی اضلاع اور بلوچستان کی ترقی پر خرچ کی جائے گی۔

یہ بھی پڑھیں: بھارت یاد رکھے ہم وہی ہیں جن سے 27 فروری کو سامنا ہوا تھا، ترجمان پاک فوج

 ڈاکٹر حفیظ شیخ نے کہا کہ مالی سال دوہزار انیس بیس کے دفاعی بجٹ میں اضافہ نہ کرنے پر مسلح افواج کی قیادت کوسراہتا ہوں۔ پاک فوج کے اس اقدام سے مالی خسارے پر قابو پانے اور معاشی استحکام کے حصول میں مدد ملے گی۔

مشیر خزانہ نے کہا کہ ملک کی ترقی اور قومی اہداف کےحصول میں تمام اداروں نے اپنا کردارادا کرنا ہوگا۔

مشیرتجارت عبدالرزاق داؤد نے بھی پاک فوج کے اقدام کو سراہتے ہوئے کہا کہ اس  سے مالی خسارہ کم کرنے میں مدد ملے گی۔

گزشتہ روز وزیراعظم عمران خان نے بھی اس ٹوئیٹ کے بعد ٹوئیٹر پر بیان جاری کرتے ہوئے پاک فوج کے اس اقدام کی تعریف کی تھی۔

WhatsApp FaceBook

آپ کے تبصرے :

Your email address will not be published.

متعلقہ خبریں
WhatsApp FaceBook
 
 
 
مقبول خبریں
مقبول خبریں
 
 
 
 
 
Facebook Twitter Youtube