Thursday, October 1, 2020  | 12 Safar, 1442
ہوم   > Latest

بونیر میں پولیو ٹیم پر حملہ،مبینہ دہشت گرد ہلاک،ایک گرفتار

SAMAA | - Posted: Apr 30, 2019 | Last Updated: 1 year ago
SAMAA |
Posted: Apr 30, 2019 | Last Updated: 1 year ago

بونیر میں پولیو ٹیم پر حملے میں ملوث مبینہ دہشت گرد ہلاک جبکہ دوسرے کو گرفتار کرلیا گیا۔ کاروائی کے دوران ایک پولیس اہلکار بھی زخمی ہوا۔

خیبرپختونخوا کے ضلع بونیر میں 25 اپریل کو پولیو ٹیم پر حملے میں ملوث دہشت گردوں کی تورورسک جنگدرہ کے علاقے میں موجودگی کی اطلاع پر پولیس نے سرچ آپریشن شروع کیا۔ کاروائی کے دوران ایک دہشت گرد ہلاک جبکہ دوسرے کو گرفتار کرلیا گیا۔ آپریشن صبح سے سہ پہر تک جاری رہا جس میں دوران انٹیلی جنس انچارج وارث خان زخمی ہوئے جنہیں اسپتال منتقل کردیا گیا۔ گرفتار دہشت گرد کو تفتیش کےلیے نامعلوم مقام پر منتقل کردیا گیا ہے۔ گزشتہ ہفتے پولیو مہم کے دوران انسداد پولیو ٹیم پر حملہ کیا گیا تھا جس میں ایک  پولیس اہکار شہید ہوگیا تھا۔

وزیراعظم کے فوکل پرسن برائے انسداد پولیو بابر بن عطاء نے کاروائی سے متعلق اپنے پیغام میں کہا ہے کہ بونیر پولیس نے اطلاع پر ٹارگیٹڈ آپریشن کیا، اپریشن کی نگرانی ضلع بونیر کے پولیس چیف ڈی پی او ارشاد حان نے کی۔ انہوں نے کاروائی میں ایک دہشت گرد کی ہلاکت اور دوسرے ساتھی کی گرفتاری کی تصدیق کی۔

WhatsApp FaceBook

آپ کے تبصرے

Your email address will not be published.

متعلقہ خبریں
WhatsApp FaceBook
 
 
 
مقبول خبریں
مقبول خبریں
 
 
 
 
 
Facebook Twitter Youtube