عمران خان معافی مانگیں ، پیپلزپارٹی نے وزیراعظم کو دھمکی دے دی

April 25, 2019

پیپلز پارٹی کی رکن اسمبلی نفیسہ شاہ نے بلاول بھٹو زرداری کو ’صاحبہ‘ کہنے پر وزیراعظم کو شدید تنقید کا نشانہ بنایا۔

قومی اسمبلی میں پی پی رہنما نفیسہ شاہ نے کہا کہ بلاول بھٹو زرداری کو صاحبہ کہنے پر عمران خان ایوان میں آکر معافی مانگیں، ورنہ ملک بھر میں گو عمران گو کے نعرے گونجیں گے ۔

پی پی رہنما نفیسہ شاہ نے کہا کہ صاحبہ' کیوں کہا، وزیراعظم ایوان میں معافی مانگیں، بیان سے پیپلزپارٹی ہی نہیں خواتین کی بھی تذلیل ہوئی، عمران خان نے الفاظ واپس نہ لیے توانہیں وزیراعظم نہیں کہوں گی ۔

عمران خان پی پی چیئرمین بلاول پر برس پڑے، صاحبہ کہہ دیا

نفیسہ شاہ نے کہا کہ وہ کہتے ہیں یہ سلپ آف ٹنگ ہے، آخر یہ کتنی مرتبہ ہوگی؟ لگتا ہے نئے پاکستان کی جدوجہد بھی سلپ آف ٹنگ ہے، معافی نہ مانگی تو ملک بھر میں گو عمران گو ہوگا ۔