اورماڑہ دہشت گردی کا مقدمہ تین روز بعد درج

April 21, 2019

بلوچستان کے علاقے اورماڑہ میں دہشت گردی کا مقدمہ سرکار کی مدعیت میں نامعلوم دہشت گردوں کے خلاف درج کرلیا گیا ہے۔

محکمہ داخلہ کے مطابق مقدمہ تحصیلدار اورماڑہ کی مدعیت میں نامعلوم افراد کے خلاف مقدمہ درج کیا گیا ہے، جس میں قتل، اقدام قتل اور دہشت گردی کی دفعات درج کی گئی ہیں۔ دہشت گردی کا مقدمہ لیویز تھانے میں درج کیا گیا ہے۔

 

حکام کی جانب سے دہشت گردی کے واقعہ کی تفتیش سی ٹی ڈی بلوچستان کے سپرد کردی گئی ہے۔

 

واضح رہے کہ اٹھارہ اپریل کو بلوچستان کے علاقے اورماڑہ میں کوسٹل ہائی وے پر 14 مسافروں کو بسوں سے اتار کر شہید کر دیا گیا تھا۔ شہداء میں پاک بحریہ، کوسٹ گارڈ اور پاکستان ائیر فورس کے جوان بھی شامل تھے۔