گلیات، تودہ گرنے سے مری نتھیاگلی روڈ بند

March 17, 2019

گلیات میں کنڈلہ کے مقام پر برفانی تودہ گرنے سے مری نتھیاگلی روڈ بند ہوگیا۔ انتظامیہ کا کہنا ہے کہ روڈ کی صفائی کیلئے مشینری طلب کرلی ہے۔

ترجمان ڈیولپمنٹ اتھارٹی کے مطابق بند روڈ کو کھولنے کیلئے بھاری مشینری سے برف ہٹانے کا کام جاری ہے۔ ابھی تک کسی سیاح کی گاڑی پھنسنے کی کی اطلاع نہیں ملی ہے۔

 

ترجمان کا مزید کہنا ہے کہ اتوار کی دوپہر تک مری نتھیاگلی روڈ کو ٹریفک کے لیے بحال کر دیا جائے گا۔ واضح رہے کہ اس سے قبل وزیراعلی کی جانب سے ڈی سی کو تودہ ہٹا کر شاہراہ فوری بحال کرنے کی ہدایت کی گئی تھی۔