Sunday, October 24, 2021  | 17 Rabiulawal, 1443

بلوچستان کی اپوزیشن جماعتوں کا احتجاج کا اعلان

SAMAA | - Posted: Mar 11, 2019 | Last Updated: 3 years ago
SAMAA |
Posted: Mar 11, 2019 | Last Updated: 3 years ago

اپوزیشن جماعتوں نے بلوچستان حکومت کی معاشی پالیسی اور فنڈز کی غیرمنصفانہ تقسیم کیخلاف احتجاج  کا اعلان کردیا۔ رہنماؤں کا کہنا ہے کہ صوبائی حکومت کی معاشی پالیسی ناکام ہوگئی، ترقیاتی فنڈز خرچ نہ ہونے کے باعث ناقابل استعمال ہورہے ہیں۔

کوئٹہ میں اپوزیشن لیڈر ملک سکندر ایڈووکیٹ نے نواب اسلم رئیسانی اور دیگر حزب اختلاف کی جماعتوں کے رہنماؤں کے ہمراہ پریس کانفرنس کرتے ہوئے کہا کہ ہم نے بلوچستان کے عوام کے مفاد اور ترقی کی خاطر ہر مشکل وقت میں حکومت کا ساتھ دیا تاکہ بلوچستان ترقی کرسکے لیکن وقت نے ثابت کردیا کہ موجودہ حکمران حکومت کرنے کے اہل نہیں ہیں۔

وہ کہتے ہیں کہ 10 ماہ گزرنے کے باوجود حکومت نے بلوچستان کے عوام کے لیے کچھ نہیں کیا، وزیراعلیٰ بلوچستان جام کمال خان کے حلقے سمیت تمام ارکان اسمبلی کے حلقوں کو مساوی حقوق ملنے چاہئیں، لیکن موجودہ حکومت اقرباء پروری سے کام لے رہی ہے، فنڈز اپنوں میں ہی تقسیم کئے جارہے ہیں۔

اپوزیشن نے مطالبہ کیا کہ پی ایس ڈی سے متعلق حکومت تمام حقائق سامنے لائے، تمام ایم پی ایز کو مساوی حقوق نہیں دیئے گئے تو اپوزیشن اپنے حلقوں کے عوام کے ساتھ مل کر احتجاج کرے گی۔

WhatsApp FaceBook
تازہ ترین
 
 
 
مقبول خبریں
مقبول خبریں
 
 
 
 
 
Facebook Twitter Youtube