Monday, October 19, 2020  | 1 Rabiulawal, 1442
ہوم   > Latest

خود کو نوبل پرائز کا حق دار نہیں سمجھتا، وزیراعظم عمران خان

SAMAA | - Posted: Mar 4, 2019 | Last Updated: 2 years ago
SAMAA |
Posted: Mar 4, 2019 | Last Updated: 2 years ago

وزیراعظم عمران خان کا کہنا ہے کہ میں خود کو نوبل پرائز کا حق دار نہیں سمجھتا، اس کا حقدار وہ ہوگا جو کشمیری عوام کی خواہشوں کے مطابق مسئلہ کشمیر حل کرے۔

سماجی رابطے کی سائٹ ٹوئٹر پر وزیراعظم عمران خان نے اپنے پیغام میں کہا ہے کہ میں نوبل پرائز کا حق دار نہیں، حقدار وہ شخص ہوگا جو کشمیریوں کی رائے کے مطابق کشمیر کے مسئلے کا حل نکالے اور برصغیر میں انسانی ترقی اور امن کا راستہ نکالے۔

 

واضح رہے کہ وزیراعظم کی جانب سے جذبہ خیرسگالی کے تحت بھارتی پائلٹ کی رہائی کے اعلان کے بعد نوبل پرائز فارعمران خان کا ہیش ٹیگ ٹوئٹر پر ٹاپ ٹرینڈ بن گیا تھا، جب کہ دنیا بھر کے اخبارات اور نیوز چینلز نے بھی پاکستان کے فیصلے کو ہیڈلائنز کا حصہ بنایا اور پاکستانی وزیراعظم عمران خان کے فیصلے کو سراہا۔

سوشل میڈیا پر دنیا بھر سے وزیراعظم عمران خان کو امن کا سفیر قرار دے کر انھیں امن کا نوبل انعام دینے کی مہم شروع کی گئی، آن لائن درخواست پر اب تک ڈیڑھ لاکھ سے زائد افراد دستخط کرچکے ہیں۔

یہاں یہ بات بھی قابل ذکر ہے کہ 27 فروری کو پاکستانی فضائی حدود کی خلاف ورزی پر بھارت کے دو طیارے مار گرائے تھے اور پائلٹ ابھی نندن کو گرفتار کرلیا تھا، جس کے بعد بھارت نے بھی طیاروں کی تباہی اور پائلٹ لاپتا ہونے کا اعتراف کیا۔

بعد ازاں وزیراعظم عمران خان نے قومی اسمبلی کے مشترکا اجلاس میں خطاب کرتے ہوئے گرفتار بھارتی پائلٹ کو رہا کرنے کا اعلان کیا تھا اور کہا تھا کہ بھارت اس سے زیادہ کشیدگی کو آگے نہ بڑھائے۔

وزیراعظم عمران خان کے اعلان کے بعد یکم مارچ کو بھارتی پائلٹ ابھی نندن کو واہگہ بارڈر پر بھارتی حکام کے حوالے کیا گیا تھا۔

WhatsApp FaceBook

آپ کے تبصرے :

Your email address will not be published.

متعلقہ خبریں
WhatsApp FaceBook
 
 
 
مقبول خبریں
مقبول خبریں
 
 
 
 
 
Facebook Twitter Youtube