Tuesday, November 24, 2020  | 7 Rabiulakhir, 1442
ہوم   > Latest

پاک بھارت کشیدگی، لاہور ایئرپورٹ پر فلائٹ آپریشن بحال

SAMAA | - Posted: Mar 3, 2019 | Last Updated: 2 years ago
SAMAA |
Posted: Mar 3, 2019 | Last Updated: 2 years ago

پاک بھارت کشیدگی کے باعث بند ہونے والے علامہ اقبال انٹر نیشنل ایئرپورٹ کو اندرون اور بیرون ملک پروازوں کے لیے کھول دیا گیا، ایئر پورٹ حکام نے مسافروں کو روانگی سے قبل ہیلپ لائن 0215 پر رابطہ کرکے معلومات حاصل کرنے کی ہدایت بھی کی ہے۔

پاک بھارت کشیدگی کے باعث علامہ اقبال انٹر نیشنل ائرپورٹ کو 4 مارچ کو دوبارہ شروع کرنے کا اعلان کیا گیا تھا، تاہم سول ایوی ایشن اتھارٹی نے ایئرپورٹ کو اتوار کی صبح 6 بجے سے آپریشنل کرنے کا اعلان کر دیا۔

 

سی اے اے کی جانب سے اتوار کی صبح 6 بجے سے لاہور ائرپورٹ کو اندرون اور بیرون ملک پروازوں کے لیے کھولنے کا نوٹس جاری کیا گیا۔

 

سول ایوی ایشن اتھارٹی نے تمام فضائی کمپنیوں اور ائرپورٹ پر کام کرنے والے تمام اداروں کو اگاہ کر دیا ہے تاکہ وہ اپنی پروازوں کو ری شیڈول کرکے اپنے مسافروں کو بروقت آگاہ کر سکیں۔

 

ایئرپورٹ حکام نے مسافروں سے کہا ہے کہ وہ فلائیٹ انکوائری کی معلومات حاصل کرکے ائرپورٹ جائیں۔ سول ایوی ایشن اتھارٹی کے جاری کردہ نوٹی فکیشن کے مطابق ڈومیسٹک اور انٹرنیشل فلائٹس کو ری شیڈول کیا گیا ہے اور مسافروں کی ہدایت کی گئی کہ وہ ایئرپورٹ آنے سے قبل 0215 ہیلپ لائن پر کال کرکے معلومات حاصل کرلیں۔

 

 

واضح رہے کہ پاک بھارت کشیدگی کے باعث سی اے اے نے پاکستان کی فضائی حدود اور ہوائی اڈے کمرشل پروازوں کے لیے بند کردیئے تھے۔

 

سول ایوی ایشن اتھارٹی نے گزشتہ روز اسلام آباد، کراچی، پشاور اور کوئٹہ کے ہوائی فضائی اڈوں پر فلائٹ آپریشن معمول کے مطابق بحال کیے، جب کہ ملتان ایئرپورٹ پر فلائٹ آپریشن اب بھی معطل ہے جو 4 مارچ کو دوپہر ایک بجے بحال ہوگا۔

WhatsApp FaceBook

آپ کے تبصرے :

Your email address will not be published.

متعلقہ خبریں
WhatsApp FaceBook
 
 
 
مقبول خبریں
مقبول خبریں
 
 
 
 
 
Facebook Twitter Youtube