وزیراعظم عمران خان کی طورخم بارڈر24 گھنٹے کھلا رکھنے کی ہدایت

January 29, 2019

وزیراعظم عمران خان نے پاک افغان سرحد پرقائم طورخم بارڈر چوبیس گھنٹے کھلا رکھنے کی ہدایت کردی۔

سماجی رابطے کی سائٹ ٹوئٹر پر اپنے پیغام میں وزیراعظم عمران خان نے طورخم بارڈر کو 24 گھنٹے کھولنے کیلئے متعلقہ اداروں کو ہدایت کردی ہے۔

وزیراعظم کا کہنا تھا کہ آئندہ 6 ماہ میں طورخم بارڈر کو مسلسل 24 گھنٹے کھولنے کیلئے ضروری انتظامات کیے جائیں۔ پاکستان کے اس اقدام سے دوطرفہ تجارت کے فروغ میں مدد ملے گی۔

 

وزیراعظم کا مزید کہنا تھا کہ پاک افغان طورخم بارڈر کھولنے سے دوطرفہ عوامی رابطے بھی مضبوط ہوں گے۔