ہوم   > Latest

وزیراعلیٰ پنجاب کے شہر میں جرائم پیشہ عناصر کا راج

SAMAA | - Posted: Jan 13, 2019 | Last Updated: 1 year ago
SAMAA |
Posted: Jan 13, 2019 | Last Updated: 1 year ago

  وزیراعلیٰ پنجاب عثمان بزدار کے شہر میں ڈاکو راج جاری ہے، جرائم پیشہ عناصر کی فائرنگ سے رواں سال کے پہلے دس دنوں میں تاجر اور سیاسی رہنما سمیت چار افراد جاں بحق جبکہ نصف درجن سے زائد زخمی ہوگئے ۔ پنجاب پولیس جرائم پر قابو پانے میں ناکام نظر آرہی ہے، امن وامان...

 

وزیراعلیٰ پنجاب عثمان بزدار کے شہر میں ڈاکو راج جاری ہے، جرائم پیشہ عناصر کی فائرنگ سے رواں سال کے پہلے دس دنوں میں تاجر اور سیاسی رہنما سمیت چار افراد جاں بحق جبکہ نصف درجن سے زائد زخمی ہوگئے ۔ پنجاب پولیس جرائم پر قابو پانے میں ناکام نظر آرہی ہے، امن وامان کے قیام کے لیے انتظامیہ نے رینجرز کی مدد مانگ لی ۔

تاجر ہوں یا سیاسی کارکن یا ہوں عام شہری سب حیران و پریشان ہیں کہ ڈکیتی اور رہزنی کی وارداتیں تھمنے کا نام نہیں لے رہیں ۔ رواں سال کے پہلے دس دنوں میں تاجر اور سیاسی رہنما سمیت 4 افراد قتل کردیئے گئے ہیں، جبکہ نصف درجن سے زائد لوگ زخمی ہیں، ملزمان گرفتار ہوئے اور نہ ہی وارداتیں رک سکیں ۔

شہری کہتے ہیں کہ ڈیرہ غازی خان کی تاجر برادری کا کیا بنے گا ، کون ھے جو ہمیں سیکورٹی دے گا ، ایسے حالات تو سابقہ حکومت میں بھی نہیں تھے جواب ہیں۔

شہریوں نے مطالبہ کیا ہے کہ وزیراعلیٰ کے شہر میں اس وقت چوری ڈکیتی اور قتل وغارت اپنے نقطہ عروج پر ھے ، ہماری حکومت سے گزارش ھے کہ یہاں رینجرز کو تعینات کیاجائے ۔

پنجاب پولیس جرائم پیشہ عناصر کے سامنے بے بس نظر آرہی ہے، جرائم پر کنٹرول کیلیے ضلعی انتظامیہ نے بڑا فیصلہ کرتے ہوئے رینجرز کی مدد کیلئے صوبائی حکومت کو خط لکھ دیا ۔

ڈپٹی کمشنر میاں محمد اقبال مظہر مہار کہتے ہیں کہ ہم نے رینجرز کی دو کمپنیاں طلب کی ہیں کیونکہ پولیس کے پاس ہیومن ریسوس کی کمی پائی جاتی ھے، ہم نے رینجرز اور ہوم سیکرٹری کو لیٹر لکھ دیا ھے اور انشااللہ چند دنوں تک رینجرز آجائے گی اور اسے تعینات بھی کردیا جائے گا ۔

ڈسٹرکٹ پولیس آفیسر عاطف نذیر کا کہنا ہے کہ کسی بھی جگہ کوئی بڑا آپریشن کرنے کے حوالے سے یا خفیہ معلومات کی بنیاد پر آپریشن کرنے کے حوالے سے یا کچھ ایسے علاقے جہاں ہم سمجھتے ہیں کہ کرائم کی شرح میں وہاں اضافہ ہواھے ان چیزوں کے حوالہ سے میں سمجھتا ہوں کہ رینجرز کی مدد لینی چاہیے ۔

WhatsApp FaceBook

آپ کے تبصرے

Your email address will not be published.

متعلقہ خبریں
WhatsApp FaceBook
 
 
 
 
مقبول خبریں
مقبول خبریں
 
 
 
 
 
Facebook Twitter Youtube