یوم اقبال پرچھٹی کے بجائے عظیم مفکر کی سوچ کو اجاگر کریں،وزیراعظم

November 9, 2018

یوم اقبال پر وزیراعظم عمران خان کا کہنا ہے کہ پاکستان علامہ اقبال کے خواب کی تعبیر ہے، یوم اقبال پر عام تعطیل کے بجائے عظیم مفکر کی سوچ کو اجاگر کرنا چاہیے۔ وزیراعظم کا مزید کہنا تھا کہ نوجوان نسل کو علامہ اقبال کی سوچ سے روشناس کرایا جائے۔

یوم اقبال پر قوم کے نام اپنے پیغام میں وزیراعظم عمران خان کا کہنا تھا کہ علامہ اقبال ؒ نے مسلمانانِ برصغیر کو آزادی کا راستہ دکھایا۔ پاکستان علامہ اقبال ؒ کے خواب کی تعبیر ہے اور اقبال ؒ کی سوچ آج بھی ہمارے لئے مشعل راہ ہے۔

یوم اقبال پر عام تعطیل کے بجائے عظیم مفکر کی سوچ کو اجاگر کیا جائے اور نوجوان نسل کو علامہ اقبال کی سوچ سے روشناس کرایا جائے۔