ہوم   >  پاکستان

میئر کراچی وسیم اختر کی سرکاری گاڑی چھن گئی

12 months ago

لٹيروں کو کوئی لگام نہ ڈال سکا، ديدہ دليری اتنی ہوگئی کہ کہ ميئر کراچی وسیم اختر کی سرکاری گاڑی بھی چھين لی گئی۔ ايس ايچ او درخشاں ثناء اللہ کو علاقے سے 3 سرکاری گاڑياں چھینے جانے پر عہدے سے معطل اور تنزلی کردی گئی۔

شہر قائد میں اسٹریٹ کرائم، موبائل اور گاڑیاں چھیننے کے واقعات میں اضافہ ہوگیا، تقریباً ہر علاقے سے جرائم کی خبریں آرہی ہیں، لٹیرے اس قدر ديدہ دليری ہوگئے کہ عام شہريوں کے بعد کراچی کے ميئر وسيم اختر کی سرکاری گاڑی بھی چھین لی۔

ڈيفنس ميں کار سوار اسلحہ بردار 3 افراد نے ميئر کراچی کے ڈرائيور سَنی کو اسلحہ دکھايا اور جی ایس ڈی 999 نمبر پليٹ کی سرکاری گاڑی لے اڑے، ایس ایچ او درخشاں ثناء اللہ کی تعیناتی کے بعد سے علاقے میں سرکاری گاڑی چھینے جانے کا یہ تیسرا واقعہ تھا۔

پہ در پہ واقعات کے بعد محکمہ پوليس ميں ہلچل مچ گئی، ايس ايچ او درخشاں ثناء اللہ کو نا صرف عہدے سے معطل بلکہ ان کی تنزلی بھی کردی گئی۔

پی ٹی آئی کے رکن قومی اسمبلی فیصل واؤڈا نے میئر کراچی کی گاڑی چھننے کے واقعے پر تبصرہ کرتے ہوئے کہا کہ آئی جی سندھ کو نوٹس لینا چاہئے، پولیس کچھ کیوں نہیں کررہی۔

انہوں نے ایس ایچ او کی معطلی پر تنقید کی، بولے کہ میئر کراچی کی گاڑی چھیننے پر پولیس افسر کو کیوں معطل کیا گیا؟، عام پاکستانيوں کی گاڑی چھننے پر کوئی معطل نہيں ہوتا، جن کے بچے اغواء ہيں وہ بازياب نہيں ہوئے، کيا کوئی افسر معطل ہوا؟۔

 

آپ کے تبصرے

Your email address will not be published.

 
متعلقہ خبریں
 
 
 
 
 
 
 
 
مقبول خبریں