پاناما ریفرنسز منتقلی کے خلاف نیب کی اپیل سماعت کیلئےمقرر

September 7, 2018

سپریم کورٹ نے پاناما ریفرنسز کی منتقلی کے خلاف قومی احتساب بیورو (نیب) کی اپیل سماعت کے لیے مقرر کردی ہے۔

چیف جسٹس پاکستان ،جسٹس ثاقب نثار کی سربراہی میں سپریم کورٹ کا تین رکنی بینچ 11 ستمبر کو اپیل پر سماعت کرے گا۔ بینچ کے دیگر ارکان میں جسٹس عمر عطاء بندیال اور جسٹس اعجاز الااحسن بھی شامل ہیں۔

واضح رہے کہ ایون فیلڈ ریفرنس میں احتساب عدالت  کی جانب سے سزا پانے کے بعد سابق وزیراعظم نواز شریف نے زیر سماعت العزیزیہ اسٹیل ملز اور فلیگ شپ انویسٹمنٹ ریفرنس کودوسری عدالت میں منتقل کرنے کی درخواست دائر کی تھی۔

نواز شریف کی درخواست پر سماعت کرتے ہوئے اسلام آباد ہائیکورٹ نے دیگر دونوں ریفرنسز کو احتساب عدالت  منتقل کرنے کا حکم دے دیا تھا، تاہم چیئرمین نیب جسٹس (ر) جاوید اقبال نے اسلام آباد ہائی کورٹ کا حکم نامہ سپریم کورٹ میں چیلنج کردیا تھا۔