Thursday, October 22, 2020  | 4 Rabiulawal, 1442
ہوم   > پاکستان

قربانیاں دیں لیکن جنگ ابھی جاری ہے، آرمی چیف کا یوم دفاع پر پیغام

SAMAA | - Posted: Sep 6, 2018 | Last Updated: 2 years ago
SAMAA |
Posted: Sep 6, 2018 | Last Updated: 2 years ago

آرمی چیف جنرل قمر جاوید باجوہ نے کہا کہ ملکی ترقی کے لئے جمہوریت بہت ضروری ہے، نامساعد معاشی حالات کے باوجود ایٹمی قوت بنے، پاکستانی عوام نے قربانیاں دے کر دہشتگردی مسلط کرنے کی کوشش ناکام بنادی، ہزاروں شہیدوں کا لہو رائیگاں نہیں جائے گا۔ آرمی چیف نے جی ایچ کیو میں یوم دفاع...

آرمی چیف جنرل قمر جاوید باجوہ نے کہا کہ ملکی ترقی کے لئے جمہوریت بہت ضروری ہے، نامساعد معاشی حالات کے باوجود ایٹمی قوت بنے، پاکستانی عوام نے قربانیاں دے کر دہشتگردی مسلط کرنے کی کوشش ناکام بنادی، ہزاروں شہیدوں کا لہو رائیگاں نہیں جائے گا۔

آرمی چیف نے جی ایچ کیو میں یوم دفاع و شہداء کی مرکزی تقریب سے خطاب کرتے ہوئے کہا کہ ابھی جنگ ختم نہیں ہوئی، بھوک اور افلاس کیخلاف جنگ بھی جاری رہے گی۔ آرمی چیف نے مقبوضہ کشمیر کےعوام کی جدوجہد کو خراج تحسین پیش کیا۔

مزید جانیے : پاکستان میں واحد فنکشنل ادارہ فوج ہے، عمران خان

انہوں نے کہا کہ آج ہمارے حوصلوں میں مزید اضافہ ہوا ہے، 6 ستمبر ملکی تاریخ کا اہم ترین دن ہے، آج کے دن ہر پاکستانی وطن کا سپاہی بنا، ہمارے جوان آگ میں کود پڑے لیکن وطن پر آنچ نہ آنے دی۔

جنرل قمر جاوید باجوہ کہتے ہیں کہ دہشتگردی کيخلاف 76 ہزار سے زائد پاکستانيوں کی شہادت رائيگاں نہيں جائیں گی، قربانیاں دے کر دہشتگردی مسلط کرنے کی کوشش ناکام بنائی۔ ملکی ترقی کیلئے جمہوریت ضروری قرار دے دی۔

تفصیلات جانیے : جی ایچ کیو میں یوم دفاع و شہداء کی مرکزی تقریب

آرمی چیف نے کہا کہ جنگوں سے ہم نے بہت کچھ سیکھا ہے، ایٹمی طاقت بننے سے ملکی دفاع ناقابل تسخیر ہوگیا ہے۔

انہوں نے کہا کہ آج کا دن شہداء سے اظہار يکجہتی کا دن ہے، دفاع وطن کیلئے ہم سب يکجان ہيں، جمہوريت اداروں کے استحکام کے بغير پنپ نہيں سکتی، آج اس تقريب ميں تمام سياسی رہنماء موجود ہيں، يہ اس بات کا پيغام ہے کہ ہم متحد اور يکجان ہيں۔

آرمی چیف کہتے ہیں کہ دو دہائيوں ميں دنيا بھر ميں دہشتگردی کی لہر اٹھی، پاکستان بھی اس جنگ کا نشانہ بنا، ہم پر دہشت اور خوف مسلط کرنے کی کوشش کی گئی، قبائلی علاقوں اور کراچی کے عوام کے شکر گزار ہيں۔

WhatsApp FaceBook

آپ کے تبصرے :

Your email address will not be published.

متعلقہ خبریں
WhatsApp FaceBook
 
 
 
مقبول خبریں
مقبول خبریں
 
 
 
 
 
Facebook Twitter Youtube