وزیر اعظم اور آرمی چیف کا دہشت گردی سے متاثرہ افراد کو خراج تحسین

Samaa Web Desk
August 21, 2018

وزیر اعظم عمران خان اور آرمی چیف جنرل قمر جاوید باجوہ نے دہشت گردی سے متاثرہ افراد کو خراج تحسین پیش کیا ۔

دنیا میں پہلی بار منائے جانے والے دہشت گردی کے شکار افراد کے عالمی دن کے موقع پر اپنے پیغام میں وزیر اعظم عمران خان نے کہا کہ دہشت گردوں کے ہاتھوں تکلیف پہنچنے والوں کو خراج تحسین پیش کرتے ہیں، آج قانون نافذ کرنے والے اداروں، مسلح افواج کو سراہنے اور عوام کے تحفظ کے لیے بے پناہ قربانیاں دینے والوں کا دن ہے۔

وزیراعظم عمران خان نے کہا ہے کہ دہشت گردی کے خاتمے کے لیے پاکستان عالمی برادری کے ساتھ ہے عالمی برادری دہشت گردی کے متاثرین کی مدد کے لیے اقدامات کرے۔