Tuesday, November 24, 2020  | 7 Rabiulakhir, 1442
ہوم   > پاکستان

بنوں: سیکیورٹی فورسز کے ساتھ جھڑپ میں طالبان کمانڈر ہلاک

SAMAA | - Posted: Aug 6, 2018 | Last Updated: 2 years ago
SAMAA |
Posted: Aug 6, 2018 | Last Updated: 2 years ago

بنوں کے علاقہ جانی خیل میں پیر کی صبح سیکیورٹی فورسز اور دہشت گردوں کے مابین جھڑپ کے دوران طالبان کا مقامی کمانڈر ہلاک ہوگیا۔ ہلاک دہشت گرد کے قبضہ سے 3 شناختی کارڈ اور دو موبائل فون سمیت اسلحہ برآمد ہوا ہے۔

بنوں سے سما ٹی وی کے نمائندہ خان ضمیر نے بتایا کہ اتوار اور پیر کی درمیانی شب جانی خیل میں سیکیورٹی فورسز اور دہشت گردوں کے درمیان فائرنگ کا تبادلہ ہوا۔ دو طرفہ فائرنگ کا سلسلہ ایک گھنٹہ جاری رہا جس میں فورسز نے طالبان کمانڈر کو مار ڈالا جبکہ سیکیورٹی اہلکار محفوظ رہے۔

عسکری ذرائع کے مطابق ہلاک کمانڈر کی شناخت نصیب الرحمان کے نام سے ہوئی ہے جس کا تعلق صدر حیات کمانڈر گروپ سے ہے۔

سیکیورٹی فورسز نے ہلاک دہشت گرد کی لاش کو اپنی تحویل میں لیا ہے جبکہ اس کے قبضہ سے تین شناختی کارڈ اور دو موبائل فون بھی برآمد ہوئے۔

واقعہ کے بعد فورسز نے علاقے میں سرچ آپریشن شروع کردیا ہے۔

WhatsApp FaceBook

آپ کے تبصرے :

Your email address will not be published.

متعلقہ خبریں
WhatsApp FaceBook
 
 
 
مقبول خبریں
مقبول خبریں
 
 
 
 
 
Facebook Twitter Youtube