بھارت نے 6 پاکستانی قیدی رہا کر دئیے

June 19, 2018

بھارت نے 6 پاکستانی قیدی رہا کر دئیے، سزاوں کی مُدت مکمل ہونے کے بعد قیدی واہگہ بارڈر پر حُکام کے حوالے کئے گئے ۔

سزائیں پوری ہوئیں تو بھارت نے مختلف جیلوں میں قید چھ پاکستانیوں کو رہا کر دیا ، قیدیوں کو واہگہ بارڈر کے راستے پاکستانی حکام کے حوالے کیا گیا ۔

رہائی پانے والوں میں ایک خاتون بھی شامل ہیں، نسرین اختر 2006 میں عرس میں شرکت کے لیے بھارت گئیں تھیں، تاہم اٹاری اسٹیشن پر انہیں منشیات اسمگل کرنے کے الزام میں گرفتار کیا گیا تھا ۔

نسرین اخترکی والدہ نے رہائی کی اپیل کی تھی جبکہ جرمانہ پاکستانی ہائی کمیشن کی طرف سے ادا کیا گیا ہے، رہائی پانے والوں میں ایک نوجوان ہارون علی بھی شامل ہے جس کا ذہنی توازن درست نہیں ہے، ہارون علی دوسال قبل غلطی سے سرحد عبور کر کے بھارت چلا گیا تھا ۔