Thursday, September 16, 2021  | 8 Safar, 1443

شہزادہ ہیری اور میگھن کے ہاں بیٹی کی پیدائش

SAMAA | - Posted: Jun 7, 2021 | Last Updated: 3 months ago
Posted: Jun 7, 2021 | Last Updated: 3 months ago

برطانیہ کے شاہی خاندان کو خیرباد کہنے والے شہزادہ ہیری اور ان کی اہلیہ میگھن مارکل کے ہاں جمعے کو بیٹی کی پیدائش ہوئی ہے۔

خبر رساں ادارے ‘ایسوسی ایٹڈ پریس’ کے مطابق ہیری اور میگھن کے ہاں دوسرے بچے (بیٹی) کی پیدائش امریکہ کی ریاست کیلی فورنیا میں ہوئی ہے اور جوڑے نے اپنی بیٹی کا نام ‘للی بیٹ للی ڈیانا ماؤنٹ بیٹن ونڈسر’ رکھا ہے۔

ہیری اور میگھن مارکل نے اپنی بیٹی کا نام شہزادے کی پَر دادی کی عرفیت ‘للی بیٹ’ اور اپنی والدہ لیڈی ڈیانا کے نام پر رکھا ہے۔

یاد رہے کہ شہزادہ ہیری کی والدہ لیڈی ڈیانا 1997 میں 36 برس کی عمر میں کار حادثے میں ہلاک ہو گئی تھیں۔

ڈیوک اینڈ ڈچز آف سسکس نے اتوار کو جاری بیان میں کہا کہ “اس خاص وقت میں ہم پر مہربانی کرنے اور ہمارے خاندان کی حمایت کرنے پر آپ سب کا شکریہ ادا کرتے ہیں۔”

دوسری جانب برطانیہ کے وزیرِ اعظم بورس جانسن نے بھی ٹوئٹر پیغام کے ذریعے جوڑے کو بیٹی کی پیدائش پر مبارک باد دی ہے۔

واضح رہے کہ ہیری اور میگھن کی شادی مئی 2018 میں ہوئی تھی اور ایک سال بعد اُن کے ہاں بیٹے آرچی کی ولادت ہوئی۔ میگھن مارکل کا جولائی 2020 میں حمل بھی ضائع ہوا تھا۔

بعد ازاں مارچ 2020 میں میگھن اور ہیری شاہی ذمے داریوں سے دست بردار ہو گئے تھے جس کے بعد اب جوڑا امریکی ریاست کیلی فورنیا میں مقیم ہے۔

WhatsApp FaceBook
تازہ ترین
 
 
 
مقبول خبریں
مقبول خبریں
 
 
 
 
 
Facebook Twitter Youtube