پاکستان کا حسین مقام جہاں تمام ثقافتیں یکجا ہیں

June 12, 2019

اسلام آباد کے لوک ورثہ میں پاکستان کی تمام  ثقافتیں نظرآتی ہیں۔

اس خوبصورت مقام پر خیبر سے بولان،کشمیر سے مہران تک کے ثقافتی رنگ یکجا ہیں۔ یہاں کی دیواروں پر تاریخ و تہذیب کی کہانیاں درج ہیں۔

زرسانگہ ہال، ہیریٹیج میوزیم، مائی بھاگی اور بالی جٹی تھیٹر فنون لطیفہ کے مرکز ہیں۔ یہاں کی سیر کو آنے والے کہتے ہیں کہ یہاں آکر تو جیسے پورا پاکستان دیکھ لیا۔

منتظمین کہتے ہیں کہ اپنی ثقافت سے جڑے رہنا ارض پاک سے محبت  کا خوبصورت  ذریعہ ہے۔ پاکستان کی لوک روایات ہیں، لوک موسیقی ہے،ہم ان کی ترقی ،ترویج کیلئے کام کرتے ہیں۔

مٹی سے تیار کئے گئے پرانے برتن اور دیہی زندگی کی عکاسی کرتے ماڈل ثقافتی دھنک کو اور بھی دلربا بناتے ہیں۔