Friday, January 21, 2022  | 17 Jamadilakhir, 1443

سعودی عرب: ویژن 2030 کےتحت اہم عہدےپر خاتون مشیرمقرر

SAMAA | - Posted: Dec 5, 2021 | Last Updated: 2 months ago
SAMAA |
Posted: Dec 5, 2021 | Last Updated: 2 months ago

سعودی عرب کے ٹیکنیکل اینڈ ووکیشنل ٹریننگ کارپوریشن کے گورنر ڈاکٹر احمد الفحید نے ایک اعلامیہ جاری کیا جس میں ھیفا خیران الصقر کو گورنر کے دفتر میں بطور مشیر کام کرنے کی ذمہ داری سونپی گئی ہے۔

عرب میڈیا کے مطابق یہ فیصلہ ویژن 2030 کے اہداف کے حصول کے لیے کیا گیا جو جس کا مقصد سعودی خواتین کو بااختیار بنانا اور لیبر مارکیٹ میں ان کی شرکت کو فروغ دینا ہے۔

حالیہ دنوں میں خادم حرمین شریفین شاہ سلمان بن عبدالعزیز اور ولی عہد کی حکومت کی طرف سے جاری کردہ بہت سے فیصلوں، قانون سازی اور ضوابط کے اجراء کی بدولت سعودی خواتین کو بااختیار بنانے کے اقدامات میں تیزی آئی ہے۔

اقدامات کا مقصد معاشرے میں خواتین کی اہمیت کو بڑھانا اور انہیں قومی ترقی کے تمام شعبوں اقتصادی، سماجی، سائنسی، ثقافتی اور تمام سطحوں پر ان کی صلاحیتوں کو بروئے کار لاکر ان کے کام کے اختیارات کو وسعت دینے، خواتین کے لیے یکساں مواقع کو یقینی بنانے کے لیے سرکاری اداروں میں اعلیٰ قیادت کے عہدوں کو سنبھالنے میں خواتین کی شرکت کو یقینی بنانا ہے۔

واضح رہے کہ ھیفا خیران الصقر کے پاس اپنے پیشے کا کافی تجربہ ہے۔ وہ تبوک میں ٹیکنیکل اینڈ ووکیشنل ٹریننگ کی جنرل ایڈمنسٹریشن کے اسسٹنٹ ڈائریکٹر جنرل، تبوک میں لڑکیوں کے ٹیکنیکل کالج کے ڈین اور تربیتی امور کے نائب سمیت کئی عہدوں پر فائز رہ چکی ہیں۔

WhatsApp FaceBook
تازہ ترین
 
 
 
مقبول خبریں
مقبول خبریں
 
 
 
 
 
Facebook Twitter Youtube