Monday, December 6, 2021  | 30 Rabiulakhir, 1443

طالبان کا تہران وزرائے خارجہ اجلاس میں شرکت نہ کرنےکافیصلہ

SAMAA | - Posted: Oct 25, 2021 | Last Updated: 1 month ago
SAMAA |
Posted: Oct 25, 2021 | Last Updated: 1 month ago

طالبان ترجمان ذبیح اللہ مجاہد کا کہنا ہے کہ ایران میں منعقد ہونے والے پڑوسی ممالک کے وزرائے خارجہ اجلاس میں طالبان حکومت کا کوئی نمائندہ شرکت نہیں کرے گا۔

افغان چینل طلوع نیوز کے مطابق طالبان کی حکومت میں اطلاعات اور ثقافت کے نائب وزیر ذبیح اللہ مجاہد نے اتوار کو کہا کہ طالبان کے نمائندے اجلاس میں شرکت نہیں کریں گے تاہم انہوں نے اس اجلاس کو خوش آئند قرار دیا ہے۔

اس سے قبل ایرانی وزارت خارجہ نے اعلان کیا کہ تھا ایران، چین، پاکستان، تاجکستان، ترکمانستان اور ازبکستان وزرائے خارجہ کی سطح پر ہونے والے اجلاس میں شرکت کریں گے۔

ایرانی وزارت خارجہ کے ترجمان کا مزید کہنا تھا کہ اجلاس میں افغانستان میں جامع حکومت کی تشکیل کے طریقہ کار پر بات کی جائے گی۔

ایرانی خبر رساں ایجنسی نے کہا کہ طالبان کو اجلاس میں شرکت کے لیے مدعو نہیں کیا گیا لیکن یہ نہیں بتایا کہ طالبان کو مدعو کیوں نہیں کیا گیا۔

رپورٹ کے مطابق ایران، چین، پاکستان، ازبکستان، تاجکستان اور ترکمانستان کے وزرائے خارجہ کے اجلاس میں شرکت کریں گے۔ چینی وزیر خارجہ اجلاس میں ورچوئل شرکت کریں گے تاہم روس کی طرف سے اجلاس میں شرکت کے حوالےسے کوئی اطلاع نہیں ملی۔

واضح رہے کہ 8 ستمبر کو پاکستان کی صدارت میں منعقد ہونے والے افغانستان کے پڑوسی ملکوں کے وزرائے خارجہ کے پہلے اجلاس میں یہ طے ہوا تھا کہ اگلا اجلاس تہران میں منعقد ہوگا۔

WhatsApp FaceBook
تازہ ترین
 
 
 
مقبول خبریں
مقبول خبریں
 
 
 
 
 
Facebook Twitter Youtube