Monday, October 18, 2021  | 11 Rabiulawal, 1443

اقوام متحدہ: افغان سفیر غلام اسحاق زئی خطاب سے دستبردار

SAMAA | - Posted: Sep 27, 2021 | Last Updated: 3 weeks ago
SAMAA |
Posted: Sep 27, 2021 | Last Updated: 3 weeks ago

اقوام متحدہ کے ترجمان کا کہنا ہے کہ افغانستان کے مسقتل مندوب غلام اسحاق زئی پیر کو جنرل اسمبلی میں عالمی رہنماؤں سے خطاب سے دستبردار ہو گئے۔

اسمبلی کے صدر کی ترجمان مونیکا گرےلی نے اے ایف پی سے گفتگو کے دوران اس بات کی تصدیق کرتے ہوئے کہا کہ اقوام متحدہ میں افغانستان کے مسقتل مندوب غلام اسحاق زئی عام بحث میں اپنی شرکت سے دستبردار ہوگئے۔

طالبان نے گذشتہ ہفتے اقوام متحدہ کے سیکریٹری جنرل  انتونیو گوئتریس  کو ایک خط لکھا تھا کہ طالبان نے دوحہ میں مقیم اپنے ترجمان سہیل شاہین کو اقوام متحدہ میں افغانستان کا مستقل مندوب نامزد کیا ہے۔

خط میں مزید کہا گیا تھا کہ اسحاق زئی عالمی ادارے میں افغانستان کی مزید نمائندگی نہیں کرتے۔

واضح رہے کہ غلام اسحاق زئی اقوام متحدہ میں گذشتہ ماہ ختم کی جانے والی اشرف غنی حکومت کی نمائندگی کرتے تھے اور تاحال اقوام متحدہ کے ریکارڈ کے مطابق افغانستان کے سفیر ہیں۔

WhatsApp FaceBook
تازہ ترین
 
 
 
مقبول خبریں
مقبول خبریں
 
 
 
 
 
Facebook Twitter Youtube