Tuesday, October 19, 2021  | 12 Rabiulawal, 1443

افغانستان میں جلد باقاعدہ فوج تشکیل دی جائے گی،افغان آرمی چیف

SAMAA | - Posted: Sep 16, 2021 | Last Updated: 1 month ago
SAMAA |
Posted: Sep 16, 2021 | Last Updated: 1 month ago

افغانستان میں طالبان کی عبوری حکومت کے آرمی چیف قاری فصیح الدین کا کہنا ہے کہ افغانستان میں جلد باقاعدہ اور منظم فوج تشکیل دی جائے گی جو ملک کی سرحدوں کی حفاظت کرے گی۔

افغان چینل طلوع نیوز سے بات کرتے ہوئے فصیح الدین کا کہنا تھا کہ نئی فوج اہل افسران پر مشتمل ہوگی اور اس میں سابقہ حکومت کی جانب سے تعینات کئے گئے فوجی بھی شامل ہوں گے۔

قاری فصیح الدین کا کہنا تھا کہ ایسے لوگ جنہوں نے تربیت حاصل کی ہے اور پیشہ ور ہیں وہ ہماری نئی فوج میں شامل ہوسکیں گے، ہمیں امید ہے یہ فوج مستقبل قریب میں تشکیل دی جائے گی۔

افغان میڈیا کے مطابق کابل میں گزشتہ روز ایک اجلاس میں قاری فصیج الدین کا کہنا تھا کہ لسانیت اور  جمہوریت کے نام پر طالبان کے خلاف لڑنے والوں کیخلاف کارروائی کی جائے گی۔

انہوں نے کہا کہ افغانستان میں خانہ جنگی کی صورتحال پیدا نہیں ہونے دیں گے، امن میں خلل ڈالنے والوں کو کسی صورت برداشت نہیں کیا جائے گا۔

WhatsApp FaceBook
تازہ ترین
 
 
 
مقبول خبریں
مقبول خبریں
 
 
 
 
 
Facebook Twitter Youtube