Thursday, September 16, 2021  | 8 Safar, 1443

غلافِ کعبہ کی تبدیلی کے روح پرور مناظر

SAMAA | - Posted: Jul 19, 2021 | Last Updated: 2 months ago
SAMAA |
Posted: Jul 19, 2021 | Last Updated: 2 months ago

فوٹو: الحرمین

ہر سال کی طرح رواں سال بھی 9 ذی الحجہ کو غلاف کعبہ (کسوہ) کو تبدیل کردیا گیا۔

سعودی میڈیا کے مطابق غلافِ کعبہ کی تبدیلی میں 200 سے زائد ہنرمندوں نے حصہ لیا جبکہ غلاف میں670 کلو خالص سونا اور ریشم استعمال کیا جاتا ہے۔ غلاف کعبہ کی اونچائی 14 اور لمبائی 47 ميٹر ہوتی ہے۔ رواں سال غلافِ کعبہ کی تیاری میں 20لاکھ ریال لاگت آئی ہے جو پاکستانی روپے میں 8 ارب،50 کروڑ47 لاکھ 32 ہزار132 روپے بنتی ہے۔

کرونا کی عالمی وبا کے باعث علاف کعبہ کی تبدیلی کا وقت تبدیل کیا گیا تھا۔

مناسک حج کی ادائیگی کے سلسلے میں عازمین آج بروز پیر 19 جولائی کو خیموں کے شہر منیٰ پہنچیں گے۔

یاد رہے کہ حج کے پہلے دن 8 ذی الحج کو ظہر سے لے کر 9 ذی الحجہ کی فجر تک پانچوں نمازیں منیٰ میں ادا کرنی ہوتی ہیں۔ بعد ازاں عرفات کا رخ کیا جاتا ہے۔

حج کا دوسرا دن 9ویں ذی الحجہ حج کو ہوتا ہے۔ سورج طلوع ہونے كے بعد حجاج کرام عرفات كى طرف روانہ ہوتے ہیں، وہاں ظہر اور عصر كى نمازيں ادا كرتے ہیں۔ اس دن عرفات کے میدان میں ٹھہرنے کو وقوفہ عرفہ کہا جاتا ہے اور اصل حج کا دن یہی ہوتا ہے، یعنی اگر کوئی شخص وقوفہ عرفہ کے علاوہ تمام مناسک ادا کرلے تب بھی اس کا حج ادا نہیں ہوگا۔

بعد ازاں غروب آفتاب کے بعد حجاج کرام عرفات سے مزدلفہ کی طرف روانہ ہوتے ہیں اور مغرب و عشاء كى نمازيں مزدلفہ پہنچ كر ایک ساتھ ادا كرتے ہیں۔ حجاج مزدلفہ میں رات گذارتے اور یہاں رمی جمرات کے لیے کنکریاں اکھٹی کرتے ہیں۔

حج کے بنیادی مناسک کی ادائیگی آج سے شروع ہوگی

واضح رہے کہ اس سال کرونا کی وجہ سے سعودی عرب میں مقیم 60 ہزار ملکی اور غیر ملکی حج کی سعادت حاصل کر رہے ہیں۔

WhatsApp FaceBook
تازہ ترین
Hajj performed 2021, Hajj 2021, Hajj , Eid al-Adha 2021 ,Saudi Arabia Hajj 2021,Hajj 1442AH 2021,Hajj News 2021, hajj 2021 latest update
 
 
 
مقبول خبریں
مقبول خبریں
 
 
 
 
 
Facebook Twitter Youtube