Wednesday, September 22, 2021  | 14 Safar, 1443

افغانستان: طالبان حملے میں افغان ایئرفورس کا پائلٹ جاں بحق

SAMAA | - Posted: Jul 17, 2021 | Last Updated: 2 months ago
SAMAA |
Posted: Jul 17, 2021 | Last Updated: 2 months ago

ضلع بگرام ميں ايک افغان ایئر فورس آفيسر نصرت کوشان کو مارا گيا ہے جس کے بارے میں طالبان نے دعویٰ کيا ہے کہ پائلٹ کی گاڑی کوانہوں نے گوليوں کا نشانہ بنايا ہے۔

طالبان نے صوبہ ہرات کے چار اضلاع گلران، خشک، کوہسان اور ادرسکان پرقبضہ کرليا ہے جبکہ صوبہ پروان، قندہار اور نمروزکے بھی چار مزید اضلاع  طالبان کے کنٹرول ميں آچکے ہيں۔

قندھار پر کنٹرول کے ليے افغان فورسز اور طالبان ميں شديد لڑائی جاری ہے جبکہ افغان صوبے غزنی ميں بھی طالبان کی جانب سے پیش قدمی کا دعویٰ کیا جارہا ہے۔

افغان فورسز کے ترجمان کا کہنا ہے کہ ضلع شيخ علی کو طالبان کے قبضے سے چھڑاليا گيا ہے اور طالبان باميان کی جانب پيچھے ہٹ گئے ہيں۔

دسری جانب قطر کے دارالحکومت دوحہ میں طالبان اور افغان حکومت کی مذاکرتی ٹیمیوں کے درمیان مذاکرات شروع ہوگئے ہیں۔

افغان حکومتی وفد کی قيادت سابق صدر حامد کرزئی اور سابق چيف ايکزيکٹوعبداللہ عبداللہ جبکہ افغان طالبان کے وفد کی قیادت ملاعبدالغنی برادر  کر رہے ہيں۔

حکومتی مذاکراتی ٹیم کے ترجمان ناجیہ انوری نے توقع ظاہر کی ہے کہ طالبان سے بات چیت اب تیزی سے آگے بڑھے گی اور بہت جلد کسی نتیجے پر پہنچ جائیں گے جبکہ طالبان ترجمان محمد نعیم کا کہنا ہے مسائل کا حل ہماری ترجیح ہے لیکن دوسری جانب سے مخلصانہ نیت ضروری ہے۔

WhatsApp FaceBook
تازہ ترین
 
 
 
مقبول خبریں
مقبول خبریں
 
 
 
 
 
Facebook Twitter Youtube