Sunday, September 26, 2021  | 18 Safar, 1443

عازمین حج کے اندراج کا مرحلہ مکمل کرلیا گیا

SAMAA | - Posted: Jul 9, 2021 | Last Updated: 3 months ago
SAMAA |
Posted: Jul 9, 2021 | Last Updated: 3 months ago
Hajj Umrah

فوٹو: گلف نیوز

سعودی عرب میں وزارت حج و عمرہ نے ویب پورٹل کے ذریعےعازمین حج کے اندراج کا مرحلہ مکمل ہونے کا اعلان کردیا۔

العربیہ نیوز کی رپورٹ کے مطابق سعودی وزارت حج و عمرہ کے مطابق سعودی حکومت نے رواں سال کرونا وائرس کیسز میں کمی اور ویکسینیشن کے بعد 60 ہزارعازمین کو حج کےلیے اہل قرار دیا ہے۔ جن میں سعودی شہری اور غیر ملکی مقیمین شامل ہیں۔

حکام کا کہنا ہے کہ غیر ملکی مقیمین کا تعلق 150 ممالک سے ہے جبکہ ان افراد کو طبی شرائط کے پورا ہونے پر حج پرمٹ جاری کیے گئے ہیں۔

دوسری جانب سعودی نائب وزیر حج و عمرہ ڈاکٹر عبد الفتاح مشاط کا کہنا ہے کہ رواں سال ویب پورٹل کے ذریعے اندراج کے پہلے مرحلے میں رجسٹر ہونے والے عازمین کی تعداد 5لاکھ 58 ہزار 270 تک پہنچ گئی۔ اس سلسلے میں ترجیح ان افراد کو دی گئی جنہوں نے پہلے حج ادا نہیں کیا۔

حجاج کرام کیلئےگراؤنڈ، فرسٹ فلور طواف کیلئےمختص

وزارت حج و عمرہ نے رواں سال حج کے اہل قرار دیے جانے والے تمام افراد کو عمومی ہدایت جاری کی ہے کہ وہ بنا پیشگی بکنگ کے فوری طور پر اپنے قریب ترین مرکز سے کرونا ویکسین کی دوسری خوراک لگوا لیں۔ ساتھ ہی حفاظتی تدابیر اور احتیاطی اقدامات کی پابندی کریں۔

اس سے قبل حج ادا کرنے والے افراد کی آن لائن رجسٹریشن کا عمل ختم کرنے کا اعلان 25 جون کو کیا تھا۔

وزارت کے وزیر کے مطابق رواں سال آن لائن ایپ کےہمراہ 59 فیصد مرد حضرات جبکہ 41فیصد خواتین نے درخواستیں جمع کرائیں۔ ان میں تین فی صد درخواست گزاروں کی عمریں 20 سال سے کم ہیں، 26 فیصد 21 سے 30 سال کے درمیان عمر کے گروپ سے تعلق رکھتے ہیں،38 فیصد 31 سے 40 سال کی عمر کے ہیں۔

عازمین حج کے ناموں کا اعلان کل ہوگا

وزارت حج وعمرہ نے جون کے مہینے میں کرونا وائرس کی وَبا کے پیش نظراس مرتبہ بھی صرف سعودی عرب میں مقیم 60 ہزار شہریوں اور مکینوں کو حج کی اجازت دینے کا اعلان کیا تھا۔

WhatsApp FaceBook
تازہ ترین
 
 
 
مقبول خبریں
مقبول خبریں
 
 
 
 
 
Facebook Twitter Youtube