پرنس ہیری دادا کی آخری رسومات میں شرکت کیلئے برطانیہ پہنچ گئے

SAMAA | - Posted: Apr 12, 2021 | Last Updated: 4 months ago
SAMAA |
Posted: Apr 12, 2021 | Last Updated: 4 months ago

بشکریہ این ٹی نیوز

برطانوی شہزادہ پرنس ہیری اہلیہ اور بچوں کے بغیر دادا پرنس فلپ کی آخری رسومات میں شرکت کیلئے برطانیہ پہنچ گئے ہیں۔

غیر ملکی خبر رساں ایجنسی کے مطابق شہزادہ ہیری کے ہمراہ ان کی اہلیہ میگھن مارکل اور بچے نہیں تھے۔ وہ امریکا سے ہیتھرو ایئرپورٹ پہنچے۔ پرنس ہیری لاس اینجلس سے لندن پہنچنے کے بعد ابھی قرنطینہ میں ہیں۔

اطلاعات کے مطابق میگھن مارکل بھی ہیری کے ساتھ آنا چاہتی تھیں تاہم حاملہ ہونے کی وجہ سے ان کے ڈاکٹرز نے انہیں سفر نہ کرنے کا مشورہ دیا۔

واضح رہے کہ 9 اپریل کو ملکہ برطانیہ کے شوہر ڈیوک آف ایڈنبرا شہزادہ فلپ 99سال کی عمر میں انتقال کرگئے تھے۔ بکنگھم پیلس کے مطابق شہزاد فلپ کچھ دنوں سے بیمار تھے۔ پرنس فلپ کی آخری رسومات 17 اپریل کو ادا ہونگی۔

یہاں یہ بات بھی قابل ذکر ہے کہ شاہی ذمہ داریوں سے دستبرداری کے بعد گزشتہ سال پرنس ہیری اپنے اہل خانہ کے ہمراہ امریکا مقیم ہوگئے تھے۔

سابق برطانوی وزیر اعظم جان میجر کا اپنے انٹرویو میں کہنا تھا کہ شاہی خاندان کیلئے ڈیوک آف ایڈنبرا پرنس فلپ کے انتقال کا مشترکا غم باہمی اختلافات کو بھلا دینے کا ایک بہترین موقع ہے۔

اس سے قبل کینٹربری کیتھڈرل میں دعائیہ تقریب سے خطاب میں آرچ بشپ آف کینٹربری جسٹِن ویلبائے نے کہا تھا کہ شاہی خاندان کیلئے، دوسروں کی طرح، کسی طرح کے الفاظ ان کے غم کی گہرائی کو نہیں پہنچ سکتے۔ آرچ بشپ پرنس فلپ کی آخری رسومات کی پیشوائی کریں گے، جن میں شہزادہ ولیم اور شہزادہ ہیری بھی شریک ہوں گے۔

اس کے ساتھ ہی 17 اپریل کو ونڈزر کاسل کے سینٹ جارج چیپل میں پرنس فلپ کی تدفین کے ساتھ برطانیہ میں قومی سوگ ختم ہو جائے گا۔ اس روز برطانوی وقت کے مطابق سہ پہر تین بجے ایک منٹ کی خاموشی اختیار کی جائے گی۔

WhatsApp FaceBook

آپ کے تبصرے :

Your email address will not be published.

متعلقہ خبریں
 
 
 
مقبول خبریں
مقبول خبریں
 
 
 
 
 
Facebook Twitter Youtube