Wednesday, June 23, 2021  | 12 ZUL-QAADAH, 1442

سفید فام شخص کا ترک مسجد پر حملہ

SAMAA | - Posted: Oct 26, 2020 | Last Updated: 8 months ago
SAMAA |
Posted: Oct 26, 2020 | Last Updated: 8 months ago

ترک میڈیا: متاثرہ مسجد کا اندرونی حصہ

آسڑیلوی شہر سڈنی میں سفید فام شخص نے ترک مسجد پر حملہ کردیا۔

خبر رساں ادارے کے مطابق آسٹریلیا کے شہر سڈنی میں ہفتہ کی شام نامعلوم شخص نے ترک مسجد پرحملہ کرکے مسجد کو نقصان پہنچایا۔ عینی شاہدین کے مطابق حملہ آور کی جانب سے جب مسجد پر حملہ ہوا تو لوگوں نے تصاویر اور فوٹیج بنا کر پولیس کو بھیجیں۔

پولیس کے مطابق سفید فام حملہ آور کے حملے میں مسجد کو 1 لاکھ ڈالر سے زائد مالیت کی املاک کا نقصان ہوا ہے۔ حملہ آور نے مسجد کے اندر داخل ہو کر کھڑکیاں، فانوس اور نصب بڑی اسکرین بھی توڑی۔ حملہ آور کو آج عدالت میں پیش کیا جائے گا۔

ترک میڈیا: متاثرہ مسجد کا اندرونی حصہ

آسٹریلوی میڈیا کے مطابق حملہ آور کی شناخت نوجوان “کائیوان زیباری” کے نام سے کی گئی ہے، جس نے اوبرن گیلی پولی کے نام سے مشہور مسجد پر حملہ کیا۔ حملہ آور کو مینٹل ہیلتھ سینٹر منتقل کردیا گیا ہے۔ حملہ آور کی عمر 20 سال ہے۔

مسجد انتظامیہ کے مطابق حملہ آور نے فائرہائیڈرنٹ اور ویکیوم کلینر کے ذریعے مسجد کی املاک کو نقصان پہنچایا۔ حملے کے وقت مسجد میں 15 سے 20 افراد موجود تھے جس میں سے کچھ خوفزدہ ہو کر باہرنکل گئے۔

فیس بک پر جاری حملہ آور کا ایک عکس

یہاں یہ بات بھی قابل ذکر ہے کہ مذکورہ مسجد ترک حکومت کے زیرانتظام چلائی جاتی ہے، جسے تاریخی حیثیت حاصل ہے۔

WhatsApp FaceBook

آپ کے تبصرے :

Your email address will not be published.

متعلقہ خبریں
 
 
 
مقبول خبریں
مقبول خبریں
 
 
 
 
 
Facebook Twitter Youtube