Monday, October 26, 2020  | 8 Rabiulawal, 1442
ہوم   > بین الاقوامی

امریکی وزیرکےتائیوان پہنچتےہی چین کافوجی مشقوں کااعلان

SAMAA | - Posted: Sep 19, 2020 | Last Updated: 1 month ago
SAMAA |
Posted: Sep 19, 2020 | Last Updated: 1 month ago

بشکریہ ویبو سائٹ

چین نے امریکی وزیر کی تائیوان آمد کے فوراً بعد ہی آبنائے تائیوان میں فوجی مشقیں کرنے کا اعلان کردیا۔

غیر ملکی خبر رساں ایجنسی کی جانب سے جاری بیان کے مطابق چین کا فوجی مشقوں سے متعلق بیان ایک ایسے وقت میں سامنے آیا ہے، جب امریکی معاون وزیرِ خارجہ برائے معاشی ترقی، توانائی اور ماحولیات، کیتھ کریچ جمعرات کو 3 روزہ دورے پر تائیوان کے دارالحکومت تائی پے پہنچے ہیں۔

امریکا کے محکمہ خارجہ کی جانب سے گزشتہ 40 برسوں میں یہ کسی بھی اعلیٰ امریکی عہدے دار کا یہ پہلا دورہ ہے۔ واشنگٹن کا کہنا ہے کہ کیتھ کریچ تائیوان کے سابق آنجہانی صدر لی تینگ ہوئی کی یاد میں معنقدہ دعائیہ تقریب میں شرکت کے لیے تائیوان آئے ہیں۔

اعلیٰ امریکی عہدے دار تائیوان کے وزیرِ خارجہ جوزف وو اور صدر سائی اینگ وین سے ملاقات بھی کریں گے۔ چین کے محکمہ دفاع کے ترجمان سے جمعے کی بریفنگ کے دوران جب کیتھ کریچ کے تائیوان کے دورے سے متعلق پوچھا گیا تو اُن کا کہنا تھا کہ ہم آبنائے تائیوان میں حقیقی جنگی مشقیں کر رہے ہیں۔

بشکریہ ویبو سائٹ

ترجمان کے مطابق موجودہ حالات میں آبنائے تائیوان میں چین کی خود مختاری اور علاقائی سالمیت کے تحفظ کیلئے جنگی مشقیں موجودہ حالات میں ایک ضروری اور درست اقدام ہے۔

واضح رہے کہ چین تائیوان کو اپنے ملک کا حصہ قرار دیتا ہے اور اسے چین میں شامل کرنا چاہتا ہے۔ تائیوان کا کہنا ہے کہ حالیہ ہفتوں کے دوران چین کے جنگی طیاروں اس کے دفاعی علاقوں میں خلاف ورزیاں کی ہیں۔

سال 1949 کی خانہ جنگی کے بعد سے تائیوان کا جزیرہ خود مختار ہے اور چین کئی عشروں سے تائیوان کو سفارتی طور پر تنہا کرنے کی کوششیں جاری رکھے ہوئے ہے۔ چین اسے اپنا علاقہ قرار دیتا ہے اور تائیوان کو تسلیم کیے جانے کی کسی بھی کوشش کے خلاف ہے۔

WhatsApp FaceBook

آپ کے تبصرے :

Your email address will not be published.

متعلقہ خبریں
WhatsApp FaceBook
 
 
 
مقبول خبریں
مقبول خبریں
 
 
 
 
 
Facebook Twitter Youtube