Tuesday, September 29, 2020  | 10 Safar, 1442
ہوم   > بین الاقوامی

نیپال نے تمام نجی بھارتی نیوز چینلز پر پابندی لگادی

SAMAA | - Posted: Jul 10, 2020 | Last Updated: 3 months ago
SAMAA |
Posted: Jul 10, 2020 | Last Updated: 3 months ago

نیپال نے بھارت کی جانب سے مذموم پروپیگنڈے کے ردعمل میں ملک میں تمام بھارتی نجی نیوز چینلز کی نشریات پر پابندی عائد کردی ہے، صرف دور درشن کی نشریات جاری رہے گی۔

غیر ملکی میڈیا کے مطابق نیپال کے کیبل آپریٹرز نے ملک میں بھارتی نیوز چینلز بند کرنے کا فیصلہ کیا ہے۔ نیپال حکومت نے سرکاری طور پر بھارتی نیوز چینلز کی نشریات روکنے کا حکم نہیں دیا۔

نیپال کے ملٹی سسٹم آپریٹر (ام ایس او) کے صدر، غیر ملکی چینل کے ڈسٹری بیوٹر دنیش سبیدی کا اس حوالے سے کہنا تھا کہ ہم نے تمام بھارتی نیوز چینلز کی نشریات روک دی ہے، کیونکہ وہ نیپال کے قومی جذبات کو مجروح کرنیوالی خبریں دکھا رہے تھے۔

یہ اقدام بعض بھارتی نجی نیوز چینلز کی طرف سے نیپال کے بارے میں چلائی جانے والی بے بنیاد رپورٹوں کے بعد کیا گیا ہے، جن میں نیپالی وزیراعظم کی چینی سفارتکار سے ملاقات کے حوالے سے تضحیک آمیز پروگرام بھی شامل ہیں۔

بھارتی ٹی وی چینلز کی نشریات بند کرنے کے فیصلے سے قبل نیپال کی حکمران کمیونسٹ پارٹی کے ترجمان نرائن کاجی شریشتا نے نیپال اور اس کی حکومت کیخلاف غیراخلاقی رپورٹس پر بھارتی ذرائع ابلاغ کی مذمت کی۔

اپنے بیان میں انہوں نے کہا تھا کہ ہماری حکومت کے خلاف بھارتی میڈیا کا پروپیگنڈا سب حدیں پار کرگیا ہے، اسے فوری بند ہونا چاہئے۔

نیپال کی پارلیمنٹ کی طرف سے 3 متنازع علاقوں کو ملک کے نقشے میں شامل کرنے کیلئے کی جانیوالی ترمیم کی منظوری کے بعد سے دونوں ممالک میں سفارتی محاذ گرم ہے۔

یہ پہلی بار نہیں ہے جب بھارتی نیوز چینلز کو نیپال میں بند کیا گیا ہے، اس سے قبل 2015ء میں بھی نیپال کیبل ٹی وی آپریٹرز نے معاشی ناکہ بندی کیخلاف ہندوستانی ٹیلی ویژن چینلز کو بند کیا تھا۔

WhatsApp FaceBook

آپ کے تبصرے

Your email address will not be published.

متعلقہ خبریں
WhatsApp FaceBook
 
 
 
مقبول خبریں
مقبول خبریں
 
 
 
 
 
Facebook Twitter Youtube